sina ante e wan pi lipu "Wikipesija:tomo toki"

== sona nanpa ==

mi weli e ni: [[sona nanpa]] li suli. mi jo e sin sona. mi kepeken toki Inli tan ni: sina mute sona e mi. 

2 + 2: tu li pana tawa tu (add two to two) 

2 - 2: tu li weka tan tu (take two out of two) 

5 * 3: luka li pana tawa luka lon nanpa tu wan (add five to five three times); luka pi tu wan (three fives)

2 / 2: tu kipisi e tu

2³ (2 * 2 * 2): tu li pana tawa tu lon nanpa tu wan

√2 (2<sup>0.5</sup>): tu li pana tawa tu lon nanpa wan li kipisi tu

ni li pona ala pona tawa sina mute? mi sona e ni: toki ni li ike. sina mute ken ala ken pana e pona tawa mi? 

[[jan:Saola|<sub>jan</sub> Sa0la]]<sup>[[toki jan:Saola|toki]]</sup> 2024-10-27T18:15:11 (UTC)

:ni li pona tawa mi:
:2 + 2 = 4: tu en tu li tu tu
:2 - 2 = 0: tu weka tu li ala
:2 * 2 = 4: tu suli tu li tu tu
:2 / 2 = 1: tu pakala tu li wan (nimi pu ala la: tu kipisi tu li wan)
:2² = 4: tu wawa tu li tu tu
:√2 = 1.414...: tu wawa pakala tu li 1.414 sama (1.414 li wan lon, tu tu a wan a tu tu a)
:567 890: luka a luka wan a luka tu a luka tu wan a luka tu tu a ala a.
:10²¹: luka luka tawa tu a wan. [[jan:Kijosi|Kijosi]] ([[toki jan:Kijosi|toki]]) 2024-10-27T22:32:22 (UTC)
::ni li nasa tawa mi. mi wile ala e ni: sitelen pi pali nanpa en toki nanpa li sama ale. mi toki nanpa la, mi toki a kepeken nasin pi toki pona. nasin mute li ken. mi toki mute a e nimi 'la'.
::2+2=4 tu la tu sin la tu tu li lon. tu la o pana e tu la tu tu li kama
::2-2=0 tu la o weka e tu la ala li kama.
::2*2=4 tu la ni tu la tu tu li kama. tu la o mute *tu* e ni la tu tu.
::2/2=1 tu la o kipisi tu la wan li lon.
::2^2=4 tu la o mute sama e ona la tu tu li kama.
::√2 tu la...ken la o kipisi sama e ona. o kipisi ni: mute kipisi en nanpa kama li sama. ni li 1.414...
::56,78,90. [[nasin nanpa pona]] la mute mute luka luka luka wan ale mute mute mute luka luka luka tu wan ale mute mute mute mute luka luka... [[jan:Tepo|jan Tepo]] ([[toki jan:Tepo|toki]]) 2024-11-14T22:09:32 (UTC)
:::tawa mi la, ona li pakala ala e nasin pi toki pona. kin la, ona li awen e tenpo. jan pi sona nanpa pi toki pona li kepeken e nasin sina la, ken la, toki pi suli ni li ken weka e tenpo pi suli nasa. nasin nanpa pona kin li kama tan ni: jan mute li wile e awen e tenpo. kin la, toki pona li wile e ni: pona e ijo ale, lili e ijo ale. [[jan:Kijosi|Kijosi]] ([[toki jan:Kijosi|toki]]) 2024-11-14T23:00:23 (UTC)
::::pona li ni ala: jan li toki kepeken mute nimi lili. pona li ni: jan li ken sona e toki kepeken nasin lili. suli la nasin sina li tan ala toki pona... ona li sama nasin pi toki ante la ona li nasa ala tawa sina, taso tawa toki pona la ona li nasa. [[jan:Tepo|jan Tepo]] ([[toki jan:Tepo|toki]]) 2024-11-15T19:48:05 (UTC)
:::::tawa mi la, jan mute li sona e kon pi toki ni: "tu en tu li tu tu" en toki mi ante. [[jan:Kijosi|Kijosi]] ([[toki jan:Kijosi|toki]]) 2024-11-16T13:04:23 (UTC)
::::::ni pi nimi en li nasa mute ala, nimi 'en' li ken sama ni. nimi 'weka' li ken ala lon insa pi nimi ijo tu sama ni [[jan:Tepo|jan Tepo]] ([[toki jan:Tepo|toki]]) 2024-11-16T20:16:42 (UTC)
:::::::jan ken pali e kon sin pi nimi "weka". sona nanpa la, nimi "weka" ken nimi pi ma open ("kepeken", "lon", "insa", "tawa" sama). [[jan:Kijosi|Kijosi]] ([[toki jan:Kijosi|toki]]) 2024-11-16T23:21:46 (UTC)
::::::::ni li ante suli nasa lon nasin toki. ni o ante tan wile pi suli mute taso. sona nanpa li ijo wan taso, li wile pi suli ala; mi ken toki pona e weka nanpa kepeken nasin sin ni ala. [[jan:Tepo|jan Tepo]] ([[jan la toki:Tepo|toki]]) 2024-11-24T21:51:18 (UTC)
:::::kin la, jan li ken pali e kon nimi sin pi nimi pi toki pona. kon nanpa wan pi nimi "luka" li ilo sijelo jan. taso, kon sin pi nimi ni li nanpa. [[jan:Kijosi|Kijosi]] ([[toki jan:Kijosi|toki]]) 2024-11-16T16:23:53 (UTC)
::::::tenpo ni la, sina ken sona ala e kon toki ni. taso, ken la, tenpo kama la, nimi ni li alasa e kon sin pi kepeken lon sona nanpa. tenpo kama ni la, jan ale pi kepeken sona nanpa li sona e toki ni. [[jan:Kijosi|Kijosi]] ([[toki jan:Kijosi|toki]]) 2024-11-16T16:36:17 (UTC)
:::tawa mi la, lukin e sitelen 89 la, mute mute mute mute luka tu tu li pona lili, luka tu wan a luka tu tu li pona mute tawa lawa, tawa sona. [[jan:Kijosi|Kijosi]] ([[toki jan:Kijosi|toki]]) 2024-11-14T23:12:04 (UTC)
::::pakala li ni: nimi 'a' li toki ala e 'luka luka' [[jan:Tepo|jan Tepo]] ([[toki jan:Tepo|toki]]) 2024-11-15T19:49:00 (UTC)
:::::toki pona li toki pi sona pi ijo poka. ona li toki pi sona lon, sona tenpo, sona ma en sona ante. jan li ken sona e ni: "luka tu wan" li toki e ijo luka tu wan. ijo ni li ken luka luka. kin la, nimi "a" li ante lili taso e kon pi nimi ni. nimi "a" li toki e ni taso: o lukin e nimi ni. taso, ken la, sina toki e lon: nimi "a" li nimi ike tawa ni. taso, jan ken kepeken e nimi lili ante. [[jan:Kijosi|Kijosi]] ([[toki jan:Kijosi|toki]]) 2024-11-16T17:03:47 (UTC)
::::::n! ona li tu e nimi nanpa tu, anu seme? ni li kama ken pona lili tawa mi. taso, ni li toki e sitelen nanpa, e nanpa a ala. a, mute la mi kepeken nimi 'en' lon ni. "nanpa mi pi ilo toki li ni: luka en tu wan en wan en...."
::::::<hr>
:::::::"toki pi sona lon, sona tenpo, sona ma, en sona ante"
::::::nimi 'en' li nasin pona ala lon ni. #1) ona li tu e ijo la ona li wile lon insa pi ijo ale, sitelen ',' taso li ken ala. ("sona lon, en sona tenpo, en sona ma...") #2) ona li ken ala lon insa poki pi nimi 'pi' (la ni la mi toki la mi kepeken nimi 'kepeken', sama ni "ona li toki kepeken sona lon, kepeken sona tenpo...") [[jan:Tepo|jan Tepo]] ([[toki jan:Tepo|toki]]) 2024-11-16T20:24:09 (UTC)
:::::::mi pakala. mi wile sitelen e ni: "toki pi sona lon pi sona tenpo pi sona ma pi sona ante". [[jan:Kijosi|Kijosi]] ([[toki jan:Kijosi|toki]]) 2024-11-16T22:55:17 (UTC)
::::::::taso, ken la, nimi "kepeken" li pona mute lon ni. [[jan:Kijosi|Kijosi]] ([[toki jan:Kijosi|toki]]) 2024-11-16T22:59:32 (UTC)
:ni li nasa lili tan mi. sina kepeken nimi mute la nasin li ken kama pona.
:2+2 = ijo tu en ijo tu li lon
:3-2 = ijo tu li weka tan ijo tu wan
:2*5 = kulupu luka pi ijo tu li lon
:10/2 = ijo luka luka li tawa poki tu
:tu wan ni sewi la nasin ante li lon
:a:b=x:y = suli A li sama suli B la suli X li sama suli Y
:ni li sama ni:
:x=a/b*y
:ni la, sina ken toki e ni:
:x = 3/10
:x:1 = 3:10
:suli TW li sama suli LL la suli X li sama suli W
:x = 5*6
:x:6 = 5:1
:suli L li sama suli W la suli X li sama suli LW
:mi pali e toki ilo pi toki pona ([https://github.com/janLolen/toki_ilo ona li lon lipu Kitapu]) la mi kepeken nasin ni
:2^3 la mi sona ala
:mi wile e ni: toki nanpa li sama toki ale. nasin sina la, jan li sona ala e nasin ni la jan li sona ala e wile toki sina. mi wile e nasin pi sama ni: jan ale li kute e ona la ona li sona e wile toki nanpa mi. mi la, nasin mi li pona ni.
:ike pi nasin sina li ike nanpa wan pi ike Lexicalization (mi sona ala e nimi pona ona pi toki pona)
:musi la, mi wile toki e ni la ilo Captcha li toki nanpa ni tawa mi: kili wan en kili wan sin li kili pi mute seme? [[jan:Jan Lolen|jan Lolen]] ([[toki jan:Jan Lolen|toki]]) 2024-11-16T00:10:12 (UTC)
::*tu ni sewi. tu wan ala. mi pakala. taso sina ken sona e wile toki mi [[jan:Jan Lolen|jan Lolen]] ([[toki jan:Jan Lolen|toki]]) 2024-11-16T00:11:52 (UTC)
::a a ni li sama nasin mi. nimi pi nasin sina li ante tawa nimi pi nasin mi, taso awen la nasin li sama: "toki nanpa li sama toki ale." [[jan:Tepo|jan Tepo]] ([[toki jan:Tepo|toki]]) 2024-11-16T03:11:40 (UTC)
: mi pona ala e ni: mi mute li alasa e pini pi sona nanpa? [[jan:Saola|<sub>jan</sub> Sa0la]]<sup>[[toki jan:Saola|toki]]</sup> 2025-02-07T18:39:40 (UTC)
::mi pilin e ni: kulupu pi toki pona li wile e ante. mi mute li ken ante e toki pona. ken la jan Sonja li pana e pona tawa mi mute? mi mute li pali ala la toki pona li pini e tawa lon tenpo kama [[jan:Saola|<sub>jan</sub> Sa0la]]<sup>[[toki jan:Saola|toki]]</sup> 2025-02-07T18:43:31 (UTC)
:::pilin mi la toki pona (en toki ale) li kama wawa lon nasin ni ala: jan pali li lon, li pali e nasin toki, li pana e ona, la pali li pini. nasin li ni: jan ale li pali e nasin toki lon tenpo ale, lon insa lawa ona, kepeken toki insa, kepeken toki kulupu. ni li wile ala e jan Sonja. jan li awen kepeken toki pona la, tenpo kama la jan mute li sona e nasin toki nanpa pona. ken la jan wan ni li lipu e ona. mi en sina li pali ala lon tenpo ni la, ni li awen kama lon tenpo kama. [[jan:Tepo|jan Tepo]] ([[jan la toki:Tepo|toki]]) 2025-02-07T19:47:15 (UTC)
::::sina li toki e pona. taso mi pilin e ni: toki pona li lon tenpo kama, pali sin li lon ala lon toki pona lon tenpo kama. jan mute pi tomo toki ni li toki e nasin pona tawa toki pona. jan mute li jo e pilin mute, taso jan ali li pilin e ni: pilin pi jan ante li ike, pilin mi li pona. sona nanpa li lon toki pona la toki pona li suli mute [[jan:Saola|<sub>jan</sub> Sa0la]]<sup>[[toki jan:Saola|toki]]</sup> 2025-02-08T14:37:06 (UTC)