sina ante e wan pi lipu "Wikipesija:tomo toki"

== o ala o toki pona e nimi ijo? ==

mi sona e ni: lipu ale ni li ken lon, li ken tawa lipu lawa. taso lipu lawa o seme? nasin ni li ken:

1. o toki pona e nimi: "musi Manka"
:<code>+</code> lipu Wikipesija pi ma Pantan li pali e ni
:<code>-</code> nimi li ken kama sama; ni la, lipu mute pi anu lipu wile li lon 
2. o awen e nimi mama: "Minecraft"
:<code>+</code> lipu Wikipedia pi toki ante li pali e ni (taso, nimi ma en nimi pi ijo ante pi mute meso li kama ante)
:<code>-</code> ni li pakala lili e kon pona
3. o awen e nimi mama, taso o pana e nimi suli kin: "musi Minecraft"
:<code>+</code> kijetesantakalu
:<code>-</code> sutopatikuna

seme li pona tawa sina ale? [[jan:Weko|~jan Weko]] ([[toki jan:Weko|toki]]) 2021-05-03T22:11:35 (UTC)
:ken nanpa 1 li pona tawa mi. ken ante li toki pona ala.
:taso jan li ken sona ala e nimi pi toki pona. ni la, pilin mi la nimi mama o lon tenpo wan lon open lipu. nimi mama li ken len, sama ni: musi <abbr title="Minecraft">Manka</abbr>. [[jan:Tepo|jan Tepo]] ([[toki jan:Tepo|toki]]) 2021-05-03T22:30:17 (UTC)
::tenpo ni la mi pali e ni: <span style="background: rgba(127, 127, 127, 0.1);">musi Manka (''Minecraft'', "pakala kiwen, pali ijo")</span>. nasin ni la, jan pi ilo luka li ken sona kin e ona. nasin sitelen ante li lon la, ona li ken awen e nasin sitelen Lasina lon nimi pi nasin Italija (anu kipisi pi awen pi nasin sitelen li ken lon). [[jan:Weko|~jan Weko]] ([[toki jan:Weko|toki]]) 2021-05-03T22:50:34 (UTC)
:::o pana e toki ilo ni tawa kipisi sin! mi awen wile len e ijo pi toki pona ala. mi kama sona e nasin pona tawa ilo luka la mi ken pana e ni kin tawa kipisi.
:::nasin Italija li seme? [[jan:Tepo|jan Tepo]] ([[toki jan:Tepo|toki]]) 2021-05-04T01:30:55 (UTC)
::::''ni''
::::kipisi la, ken la jan li ken anu e nasin lukin (len anu poka anu ala anu... lili sewi?). taso mi sona ala e ni: ilo Mitejawiki li ken ala ken pali e ni. [[jan:Weko|~jan Weko]] ([[toki jan:Weko|toki]]) 2021-05-04T08:56:50 (UTC)
:::::''a a a'' seme li nimi pona tawa nasin sitelen ni? ''sitelen pi sinpin ala'' li ken ala ken? mi sona ala...
:::::mi kin li sona ala e ken ni pi ilo Mitejawiki. sona mi la ni li ken ala :(. taso jan li ken pana e ilo CSS ni: ona li ante e lukin pi kipisi ni. nasin CSS ni li pona lili; jan li wile sona lili e nasin ilo... [[jan:Tepo|jan Tepo]] ([[toki jan:Tepo|toki]]) 2021-05-04T09:16:18 (UTC)

"o ala o" seme a [[jan:Tepo|jan Tepo]] ([[toki jan:Tepo|toki]]) 2021-05-03T22:30:17 (UTC)
:toki nasa li pona tawa mi a a a [[jan:Weko|~jan Weko]] ([[toki jan:Weko|toki]]) 2021-05-03T22:50:34 (UTC)
::nasa a. mi wile ala nasa la mi kepeken toki sama "o ante ala ante e nimi ijo tawa toki pona?" anu tenpo ni la toki ni li pona tawa mi: "mi wile ala wile toki pona e nimi ijo?"