ilo Siko

tan lipu Wikipesija
Revision as of 2021-06-13T15:55:00 by Kita (toki | ante) (kulupu)
Jump to navigation Jump to search
sitelen pi ilo Siko

ilo Siko (toki Inli: Discord) li ilo lon ilo sona. jan li ken kepeken ilo Siko tawa ni: li toki tawa jan pi weka mute, li pali e kulupu jan, li kama lon kulupu ante. kulupu ni li tawa toki, tawa musi, tawa ijo pi pona tawa jan kulupu. kulupu jan lon ilo Siko li kipisi lon tomo toki lili. sina ken sitelen kepeken supa pi nena mute pi nimi lili tawa ni: li toki tawa jan. ilo Siko li jo kin e tomo toki uta.

jan li ken jo e poki (toki Inli: roles). poki li ken ken e ni: jan poki li ken lukin e tomo toki pi jan ale ala, jan poki li ken toki lon tomo kon ni, jan li ken weka e toki pi jan ante, jan li ken pali anu weka e tomo toki. poki li ken jo e kule. ni la, jan lon poki li kule pi poki ni.

kulupu mute la, jan pali kulupu li pali e poki tawa jan pi weka jaki tawa jan lawa. jan pi weka jaki li weka e toki lon ni: lawa kulupu li ken ala e toki ni. jan lawa li ken pali e ijo sin kulupu.