jaki Kolona pi tenpo sike 2019

tan lipu Wikipesija
Revision as of 2021-10-01T21:04:17 by Musi (toki | ante) (MusiNanpaTuTu moved page jaki Kolona nanpa 19 to jaki Kolona pi tenpo sike 2019 over redirect)
Jump to navigation Jump to search
jaki Kolona nanpa 19

jaki Kolona nanpa 19 (toki Inli: Covid-19, Coronavirus) li lili jaki ike e sijelo kon jan li ken moli e jan. ona li tawa mute e sijelo ante kepeken kon uta pi jan poka jaki. jaki ona li ike mute e jan pi suli mute li ike lili e jan lili. tenpo sike 2020 la, ona li tawa sike e ma sike mi.

tenpo pini

open

tenpo sike nanpa 2019 la, jan sona li kama sona e jaki ona lon ma tomo Wajan lon ma Sonko. jan li pana e nimi "nanpa 19" tan, tenpo open ona li tenpo sike nanpa 2019. jan li sona ala e tan pi jaki ona. taso, jaki ona li ken tan soweli.

o awen lon tomo jan

tenpo open pi tenpo sike nanpa 2020 la, jaki ona li tawa e ma ale. tan ona la, jan mute li ken ala weka e tomo ona. kin la, tomo pali mute en tomo sona mute en tomo esun mute li pini. kin la, tenpo weka la jan mute li wile jo e len uta tan, jaki ona li tawa kepeken kon uta. pali pi kulupu lawa li ike tawa jan. tenpo seli la, jan li weka e tomo ona. taso, tenpo sama la, jaki ona li kama ike mute a.

ilo li pini e jaki (misikeke pi jaki Kolona nanpa 19)

kulupu esun mute li pali e ilo ni: ona li pini e jaki. ilo li pali pi tenpo sike 2020. taso, jan mute li kama jo e ona lon tenpo sike 2021 tan ni: tenpo pini la jan li sona ala e ni: ilo li pona.

tenpo ni la jan mute li jo ala e ilo ni. jaki Kolona nanpa 19 li awen ike.

ike sijelo

sitelen sona pi ike pi jaki Kolona (toki Inli)

ken la, jan ante li jo e ike ante tan jaki ni. tenpo mute la, jan li pilin ike lon lawa lon linja lawa lon ilo sijelo kon. ken la, ona li ike tawa pali kon. jan ken jo e ko jaki telo.

ike suli la, ona li ken pana e telo sijelo loje lon uta li ken pakala e ilo sijelo.

ken la, ona li pakala e sijelo lon tenpo mute. ni li pini e weka jaki. jan li pana e nimi tawa ona: "jaki Kolona linja".