jaki Kolona pi tenpo sike 2019

tan Wikipesija
Revision as of 2021-05-09T10:16:56 by Atun (toki | ante) (nimi tan tawa)
o tawa poki nasin o tawa alasa

jaki Kolona nanpa 19 li ike e sijelo kon jan li ken moli e jan. ona li tawa mute e sijelo ante kepeken kon uta pi jan poka jaki. jaki ona li ike mute e jan pi suli mute li ike lili e jan lili.

kepeken toki Inli la ona li toki e "Coronavirus" anu "Covid-19".

tenpo pini

open

tenpo sike nanpa 2019 la, jan sona li kama sona e jaki ona lon ma tomo Wajan lon ma Sonko. jan li pana e nimi "nanpa 19" tan, ona pi tenpo open li tenpo sike nanpa 2019. jan li sona ala e jaki ona tan. taso, jan li toki e ni: tan pi jaki ona li soweli.

o awen lon tomo jan

tenpo open pi tenpo sike nanpa 2020 la, jaki ona li tawa e ma ale. tan ona la, jan mute li ken ala weka e tomo ona. kin la, tomo pali mute en tomo sona mute en tomo esun mute li pini. kin la, tenpo weka la jan mute li wile jo e len uta tan, jaki ona li tawa kepeken kon uta. pali pi kulupu lawa li ike tawa jan. tenpo seli la, jan li weka e tomo ona. taso, tenpo seme la, jaki ona li kama ike mute a.

ilo li pini e jaki (misikeke pi jaki Kolona nanpa 19)

kulupu esun mute li pali e ilo ni: ona li pini e jaki. ilo li pali pi tenpo sike 2020. taso, jan mute li jo e ona pi tenpo sike 2021 tan, tenpo pini la jan li sona ala e ni: ona ilo pona.

tenpo ni la jan mute li jo ala e ilo ona. jaki Kolona nanpa 19 li awen ike.