jan Alan Tuwin
jan Alan Tuwin (toki Inli: Alan Turing [ˈælən ˈtjʊərɪŋ]) li jan sona li jan pi sona nanpa tan ma Inli lon ma Juke. ona li suli mute tawa nasin sona pi ilo sona tawa kama pi ilo sona. ona li pana sona e pali nanpa Akolisen pi ilo sona.
jan Alan Tuwin
Alan Turing | |
---|---|
kalama | [ˈælən ˈtjʊərɪŋ] |
ma | ma Juke |
pali | jan sona |
kama lon | ma tomo Lantan lon ma Inli
sike suno nanpa 1912 |
moli | ma tomo Sesa lon ma Inli
sike suno nanpa 1954 |
utala suli nanpa tu la, ma Tosi en kulupu ma Akije li pana e toki mute kepeken nasin sitelen len. jan Alan Tuwin li pali tawa ni: ona li ken weka e len li ken sona e toki lon sitelen len ni. pali ona li suli tawa ni: kulupu ma Akije li kama anpa lon utala.
sike suno nanpa 1952 la, kulupu lawa li ike e ona tan ni: ona li unpa e mije ante. ni li ike tawa lipu lawa pi ma Juke lon tenpo ona. jan Alan Tuwin li moli e ona sama lon tenpo sike 1954.