jan Alekanto suli

tan lipu Wikipesija
Jump to navigation Jump to search
sitelen pi jan Alekanto

jan Alekanto nanpa tu wan pi ma Maketonija (toki Elena: Αλέξανδρος, Aléxandros) anu jan Alekanto suli li jan lawa pi ma Maketonija lon tenpo pini mute. mama mije ona li jan lawa Pilipo nanpa tu. mama meli ona li jan lawa Olinpija. jan Alekanto li pilin e ni: jan sewi Seju li mama mije ona. jan ona pi pana sona li jan Alitotele.

jan Alekanto li jan lawa utala li olin e utala li utala e ma Elena e ma Tuki e ma Ilan e ma Lunpan e ma Masu e ma Palata e ma ante mute. li lon ma Palata la ona toki e ni: mi wile tawa pini ma. taso jan utala ona li wile ala e ni. ona mute li pilin e ni: ma Palata li ike tan ni: telo mute li kama tan sewi. ona mute li tawa tomo. tenpo ni la jan utala mute li moli.

tenpo kama la tan ni li jan Alekanto li lon ma tomo Papilon. ona li wile tawa ma Tunisi taso ona li pilin ike li moli. jan Alekanto li moli la ma ona li suli mute. taso jan ala li sona e ni: tenpo ni la jan seme li lawa e ma pi jan Alekanto? jan utala suli mute li wile lawa e ma. ona mute li moli e kulupu mama pi jan Alekanto.