jan Mali Kuki

jan Mali Kuli Marie Curie
kalama	/maːˈri kyʁi/
ma	ma Posuka
pali	jan sona
kama lon	ma Posuka
moli	ma Kanse

jan Mali Kuli li jan sona suli. sona ona li sona tawa pi wan lili. pali ona li ken e ni : jan pi pona sijelo li ken pona e sijelo nasa kepeken pana wawa tan wan lili nasa.

sike suno nanpa 1867 la ma Posuka la ona li kama lon.

ona li meli pi wile sona. taso tenpo ni la meli li ken ala kama sona mute lon ma Posuka. tan ni la ona li tawa ma Kanse. ona li kama sona e sona tawa e sona nanpa lon ma tomo Paki lon tomo sona suli Sopon.

ona en jan sona suli Pije Kuli li kama wan lon tenpo sike nanpa 1895.

jan Mali Kuli en mije ona li pali lon tomo pi mani ala. ona li pali kepeken kiwen pi pana wawa. kiwen ni li jo e ijo Uwanijon mute. jan tu li alasa e tan pi pana pi wawa kon. pona la ona li kama lukin pi nanpa wan e ijo tu sin : ijo Palonijon en ijo Wedijon.

tenpo sike nanpa 1903 la jan Mali Kuli li kama jo e pona Nope pi sona tawa tan pali pona ona.

mije ona li moli la jan Mali Kuli li kama jo e pali ona li kama jan pi pana sona lon tomo sona Sopon.

tenpo sike nanpa 1911 la ona li kama jo e pona Nope sin pi sona pi ijo lili. tan ni la ona li meli wan taso pi pona Nope tu.

ona li tan pi tomo pali pi ijo Wedijon. tomo ni la jan sona li wile sona e ijo Wedijon.

utala suli nanpa tu la ona li pali mute li pana e sona pona tawa jan pi pona sijelo lon ma utala.

wawa kon tan wan lili nasa pi pali ona li pakala lili e sijelo ona lon tenpo mute. ona li kama jo e ike sijelo : sike lili loje lon telo loje ona li kama weka. tan ni la jan Mali Kuli li moli lon sike suno nanpa 1967 lon ma Kanse.

pini la sike suno nanpa 1995 la jan lawa pi ma Kanse en jan lawa pi ma Posuka li tawa e ko pi sijelo moli seli pi jan Mali Kuli tawa tomo suli Potewo.

ike la lipu ni li lili. sina wile pona e ona la sina ken suli e ona.