jan Matalena Anteson

jan Matalena Anteson (toki Sensa: Magdalena Andersson) li jan pi nasin lawa lon ma Sensa. ona li lawa e kulupu pi nasin lawa Socialdemokraterna. kulupu ni li kulupu nanpa wan pi nasin lawa pi jan pali lon ma Sensa. sike suno 2021-2022 la jan Matalena Anteson li jan lawa pi ma Sensa. ona li jan lawa meli nanpa wan pi ma Sensa.

jan Matalena Anteson Magdalena Andersson
ma	ma Sensa
pali	jan pi nasin lawa
kama lon	ma tomo Upala 1967

sike suno 2014-2021 la ona li jan lawa mani pi ma Sensa. jan Matalena Anteson li jan pi sona esun.

tenpo mute la jan Anteson li pali e nasin lawa lon kulupu Socialdemokraterna. tenpo pi jan lili la ona kama jan pi kulupu pi jan lili pi kulupu Socialdemokraterna, li kama jo e pali suli lon kulupu ni.