jan Oto Tome
| jan Oto Tome
Otto Wilhelm Thomé | |
|---|---|
| ma | ma Tosi |
| pali | jan pi sona kasi jan pi sitelen kule e sona kasi |
| kama lon | ma Tosi
1840 |
| moli | ma Tosi
1925 |
jan Oto Tome (toki Tosi: Otto Wilhelm Thomé) li jan pi sona kasi li jan sitelen li jan pona.
sona pi lon en pali ona[o ante | o ante e toki ilo]
tenpo sike 1862 la jan Oto li jo e sona lawa tan kasi pi namako moli. tenpo 1872 la ona li jo e sike kiwen tan ni: ona li awen e jan pakala pi utala pi ma Kanse en ma Pusija (Prussia). 1876 la ona li kama jan lawa pi tomo sona. 1880 la ona li kama jan lawa pi tomo sona lawa. 1882 la ona li kama jan sona.
1887 la ona li pali e tomo sona kasi. 1912 la kasi mute mute mute mute (1'400'000) li lon tomo ni. ni li pona tawa jan, tawa tomo sona. 1910 la tomo ni li kama lili. 1914 la ona li open lon tomo Pola (Flora). jan li sona pona e ona kepeken lipu ona pi sona kasi pi kasi pi ma Tosi en ma Esalasi en ma Suwasi pi kepeken nimi en sitelen pi kepeken tomo sona en tomo sina (Flora von Deutschland, Österreich und der Schweiz in Wort und Bild für Schule und Haus). lipu ni li kama lon tenpo sike pi 1885.