jan Pane Sasu

tan lipu Wikipesija
Revision as of 2022-02-21T03:11:58 by Tepo (toki | ante)
Jump to navigation Jump to search

jan Pane Sasu (toki Tansi: Bjarne Stroustrup) li mama pi toki pali Sipupu li jan sona pi ilo sona li jan pi pana sona lon tomo sona Texas A&M. tenpo 1950-12-30 la ona li kama lon ma tomo Owu, Tansi (toki Tansi: Aarhus, Danmark). jan li sona e ona tan ni: ona li pali e toki pi ilo sona toki pali C++.

tenpo 1979 la jan Sasu li pali e toki C++. ona li toki ni: mi pali e toki C++ li sitelen e nasin ni pi tenpo pini mute li pali e lon ni pi nanpa wan. jan Sasu li sitelen kin e lipu mute The C++ Programming Language. jan mute li pilin e ni: lipu mute ni li lipu mute sewi tawa toki ni.

jan Sasu li jo e lipu cand. scient. tawa sona nanpa en sona pi ilo sona tan tomo sona lon Owu, Tansi (toki Tansi: Aarhus, Danmark). ona li jo kin e lipu Ph.D. tawa sona pi ilo sona tan tomo sona lon Kanpi, Inli (toki Inli: Cambridge, England). tenpo pini tawa tenpo 2002 la ona li jan lawa pi kama sona kulupu pi ilo sona pi kulupu AT&T Lab. tenpo 2004 la jan li ken e ni: jan Stroustrup li jan kulupu pi kulupu The National Academy of Engineering. jan Stroustrup li jan kulupu pi kulupu ACM li jan kulupu pi kulupu IEEE.