jan Pijoke

tan lipu Wikipesija
Revision as of 2022-02-20T05:36:18 by Tepo (toki | ante)
Jump to navigation Jump to search
jan Pijoke

Björk Guðmundsdóttir

Björk by Hello, I am Bruce at Nature Awareness Nattura concert Reykjavik 2008.jpg
kalama /pjœr̥k ˈkvʏðmʏntsˌtouʰtɪr̥/
ma ma Isilan
pali jan pi kalama musi
kama lon ma tomo Lekewi, ma Isilan

jan Pijoke (toki Isilan: Björk pjœr̥k) li jan pi kalama musi tan ma Isilan. ona li pana e kalama musi lon nasin mute. ni mute li nasin kalama musi ilo li nasin kalama musi Pope li nasin kalama musi nasa li nasin kalama musi Lipope li nasin kalama musi Kelasike li ante kin.

jan lili la, ona li open e pali ona pi kalama musi. tenpo nanpa wan la, jan pi ma mute li kama sona e ona tan ni: ona li toki lon kalama lon kulupu jan kalama Sekumolane (toki Isilan: Sykurmolarnir, "leko suwi"). kalama toki ona li wawa. kulupu ni li pana e kalama musi Ameli (toki Isilan: Ammæli, "tenpo suno pi kama lon jan") lon tenpo sike 1987. ona li pona tawa jan mute lon ma Juke lon ma Mewika. kulupu Sekumolane li pini lon tenpo sike 1992. jan Pijoke li open e pali pi kalama musi pi ona wan taso. ona li pali e kalama mute e kulupu kalama mute. ona li pali e kalama musi lon poka pi jan suli mute ante.

jan li esun mute e kalama pi jan Pijoke. ma mute la kalama mute ona li kama suli lon lipu pi sona ni: kalama seme li suli seme lon esun. tenpo mute la, jan li pana e ijo pona tawa jan Pijoke tan pali pona ona.

tenpo lili la, jan Pijoke li jan musi lon sitelen tawa. ona li lon e sitelen tawa Dancer in the Dark ("jan tawa musi lon pimeja") lon tenpo sike 2000.

kalama

kulupu kalama

  • Debut (tenpo sike 1993)
  • Post (tenpo sike 1995)
  • Homogenic (tenpo sike 1998)
  • Vespertine (tenpo sike 2001)
  • Medúlla (tenpo sike 2004)
  • Volta (tenpo sike 2007)
  • Biophillia (tenpo sike 2011)
  • Vulnicura (tenpo sike 2015)
  • Utopia (tenpo sike 2017)