jan Pijoke

Revision as of 2021-08-29T20:38:02 by Jolan (toki | ante)

jan Pijoke (toki Isilan: Björk pjœr̥k) li jan pi kalama musi tan ma Isilan. ona li pana e kalama musi lon nasin mute. ni mute li kalama musi pi wawa linja li kalama musi Pope li kalama musi nasa li kalama musi Lipope li kalama musi Kelasike li ante kin.

jan Pijoke

Björk Guðmundsdóttir

Björk by Hello, I am Bruce at Nature Awareness Nattura concert Reykjavik 2008.jpg
kalama /pjœr̥k ˈkvʏðmʏntsˌtouʰtɪr̥/
ma ma Isilan
pali jan pi kalama musi
kama lon ma tomo Lekewi, ma Isilan

jan lili la, ona li open e pali ona pi kalama musi. tenpo nanpa wan la, jan lon ma mute li kama sona e ona tan ni: ona li jan pi toki musi lawa lon kulupu pi kalama musi Sekumolane (leko suwi). kulupu ni li pana e kalama musi toki Ameli (tenpo suno pi kama lon) lon tenpo sike 1987. ona li pona tawa jan mute lon ma Juke en ma Mewika. kulupu Sekumolane li pini lon tenpo sike 1992, en jan Pijoke li open e pali pi kalama musi pi jan wan ona taso. ona li pali e kulupu mute pi sitelen kalama. ona li pali e kalama musi lon poka jan suli mute ante.

sitelen kalama pi jan Pijoke li esun mute. mute ona pi kulupu sitelen kalama li kama tawa e lipu esun pi nanpa mute lon ma mute. tenpo mute la, jan li pana e ijo pona tan pali pona tawa jan Pijoke.

tenpo lili la, jan Pijoke li jan musi lon sitelen tawa. ona li lon e sitelen tawa Dancer in the Dark (jan tawa musi lon pimeja) lon tenpo sike 2000.

sitelen kalama

kulupu pi sitelen kalama

  • Debut (tenpo sike 1993)
  • Post (tenpo sike 1995)
  • Homogenic (tenpo sike 1998)
  • Vespertine (tenpo sike 2001)
  • Medúlla (tenpo sike 2004)
  • Volta (tenpo sike 2007)
  • Biophillia (tenpo sike 2011)
  • Vulnicura (tenpo sike 2015)
  • Utopia (tenpo sike 2017)