jan Sameno li mama pi toki Epelanto. toki ona la nimi ona li Ludoviko Lazaro Zamenhof.

ona li jan pi kulupu Jejuta li lon ma Posuka lon ma tomo Pijawiso (Białystok) ("nena walo"). tenpo pi jan Sameno la ma Losi li lawa lon wan ni pi ma Posuka.

jan pi kulupu Jejuta en jan pi ma Tosi en jan pi ma Posuka en jan pi ma Losi li lon ma tomo Pijawiso li toki e toki mute. jan li utala e jan pi toki ante. jan Sameno li pilin e ni: jan li toki e toki ante la jan li utala. jan Sameno li wile pali e toki tawa jan ale tan ni: ona li wile weka e utala.