jan Son Li Ja
jan Son Li Ja
Soob Lwj Yaj / 𖬌𖬤𖬵 𖬘𖬲𖬞 𖬖𖬲𖬤 | |
---|---|
kalama | [ʃɔ́ŋ lɨ̂ jâ] |
ma | ma Lajo |
pali | ona li mama e sitelen Pa A Mon |
kama lon | ma Wije
1929 |
moli |
1971 |
jan Son Li Ja (toki Mon: Soob Lwj Yaj / 𖬌𖬤𖬵 𖬘𖬲𖬞 𖬖𖬲𖬤 [ʃɔ́ŋ lɨ̂ jâ]) li jan pi kulupu Mon li mama pi sitelen Pa A Mon. sitelen ni li nasin sitelen pi toki Mon. jan pi kulupu Mon li pana e nimi "mama sitelen" (toki Mon: Niam Ntawv /niə˩ ⁿdaɨ˧˦/) tawa ona.
lon ona[o ante | o ante e toki ilo]
sike suno 1929 lon ma Wije la ona li kama lon. ona li lili la ona li kama ala sona e nasin sitelen. tenpo mute la ona li kama e kasi li pali e poki.
taso lon sike suno 1959 pali ni li pini. toki ona la ona li lukin e ijo tan jan sewi. ona li pana e sona pi sitelen Pa A Mon tawa ona. ona li toki e ni: "o pana e sona pi sitelen ni tawa jan ante pi kulupu Mon." ona li pilin e ni: nasin sitelen li pona e jan li wawa e jan. ni la ona li kama pana e sona pi nasin sitelen ni lon ma Lajo.
open la pana sona ona li pona. taso tenpo kama la ona li ike tawa lawa ma. lawa li toki e ni: "sina moli e jan Son Li Ja la mi pana e mani tawa sina." ni la jan li moli e ona lon sike suno 1971. taso lawa li pana ala e mani tawa jan moli ni li moli e ona.
sitelen Pa A Mon li awen suli lon tenpo ni.