jan Sonja
| jan Sonja
Sonja Lang | |
|---|---|
| ma | ma Kanata |
| pali | jan pi sona toki |
| kama lon | ma Nupansuwi lon ma Kanata
sike suno nanpa 1978 |
jan Sonja (toki Inli: Sonja Lang) li jan pi sona toki li jan pi ante toki tan ma Kanata li mama pi toki pona. tenpo pini la nimi ona lon toki mama ona li Sonja Elen Kisa. ona li sitelen e lipu pu e lipu ku e lipu su. toki mama ona li toki Kanse li toki Inli. ona li pali li awen e lipu pi toki pona.
tenpo pini[o ante | o ante e toki ilo]
jan Sonja li kama lon lon ma tomo Monton (Moncton) lon ma Nupansuwi lon ma Kanata.[1] kulupu mama ona li toki kepeken toki tu. ona li kama sona e toki luka (5). ona li toki Alapi li toki Epelanto li toki Kantun li toki Netelan li toki Tosi.[1]
mama pi toki pona[o ante | o ante e toki ilo]
sike suno nanpa 2001 la ona li pilin ike mute li open pali e toki pona tan ni: ona li wile pona e pilin ona. sike suno ni la ona li pana e toki tawa lipu ilo. nasin Sapi-Wa (Sapir-Whorf hypothesis) la jan li kama sona e toki pona la pilin ona li kama pona.[2]
jan Sonja li mama pi toki pona. taso, ona li lawa ala e ona. jan ante li pali e ijo mute pi toki pona.
lipu[o ante | o ante e toki ilo]
tan sona[o ante | o ante e toki ilo]
- ↑ 1.0 1.1 "3-60 Toki Pona" en.tokipona.org. tan tenpo 2009-11-15. awen pi lipu ni lon tenpo 2009-11-15.
- ↑ "What is a Language?". Canada Institute of Linguistics. tan tenpo 2018-03-08. awen pi lipu ni lon tenpo 2018-03-08.