jan Tutankamun

tan lipu Wikipesija
Revision as of 2023-05-04T16:48:55 by Jan Ke Tami (toki | ante) (Reverted edits by Wen (talk) to last revision by Musi)
(ante) ← Older revision | Latest revision (ante) | Newer revision → (ante)
Jump to navigation Jump to search
poki sinpin pi jan Tutankamun pi kiwen jelo

jan Tutankamun (toki Masu pi sin ala: twt-ꜥnḫ-jmn) li lawa e ma Masu lon tenpo pini. ona lili li kama lawa. nasin sewi Jasin li ike tawa jan Tutankamun la ona li pana e nasin sewi Masu. tomo moli ona li jo e mani mute.

jan Tutankamun li lili. ona li lawa lon tenpo sike ona nanpa 9, li moli lon tenpo sike nanpa 19. jan Tutankamun li jo e sijelo nasa, la tenpo lili la ona li moli. jaki Malawija li tawa ona, la ni li sona nanpa wan pi jaki Malawija.

tomo moli pi jan Tutankamun li nasa tan lili. tomo moli li lon insa ma. taso, jan Hawata Kata (toki Inli: Howard Carter) li lukin li open e tomo moli. ijo 5 398 li lon tomo moli. poki moli pi kiwen jelo, en poki sinpin pi kiwen jelo, en supa monsi lawa, en palisa pi tawa palisa, en ilo musi Tanpeta, en poki telo, en poki luka en poki noka pi kiwen jelo, en moku, en telo suwi, en len insa sin, la ale li lon tomo moli pi jan Tutankamun.

jan li toki e ni: ike nasa li tan tomo moli pi jan Tutankamun. jan li tawa insa pi tomo moli la jan li moli kepeken tenpo lili. taso, jan ni mute li moli ala.

sitelen pi jan Tutankamun pi jan Ankesenamun