jan Wankeli

tan lipu Wikipesija
Revision as of 2022-05-20T16:12:11 by Jan Ke Tami (toki | ante)
Jump to navigation Jump to search
Edit-clear.svg lipu ni li wile e pali tan ni: nasin toki li ike. sina ken pona e ona.
jan Wankeli

Ευάγγελος Οδυσσέας Παπαθανασίου

Vangelis, 26 July 2012.jpg
kalama [vaɲˈɟelis]
ma ma Elena
pali jan pi kalama musi
kama lon ma Elena

tenpo sike nanpa 1943

moli ma Kanse

tenpo sike nanpa 2022

kulupu kulupu Aposite Sije (Aphrodite's Child)

jan Wankelo Otese Papatanusiju (toki Elena: Ευάγγελος Οδυσσέας Παπαθανασίου, Evángelos Odysséas Papathanassíou [eˈvaɲɟelos oðiˈseas papaθanaˈsi.u]) anu jan Wankeli (Vangelis [vaɲˈɟelis]) li jan pi kalama musi tan ma Elena. ona li pana e kalama musi pi wawa linja e kalama musi Kelasike e kalama musi Pokesi .

jan mute li sona e ona tan ni: ona li pali e kalama musi pi sitelen tawa mute. ni mute li sitelen tawa "ilo tawa soweli seli" (toki Inli: Chariots of Fire) li sitelen tawa Pelejewana (Blade Runner) li sitelen tawa "tenpo sike 1492: lanpan pi ma pona" (1492: Conquest of Paradise) li sitelen tawa "mun: tawa pi jan wan" (Cosmos: A Personal Voyage).

taso, tenpo open pi pali ona la, ona li lon kulupu mute pi kalama musi. tenpo sike nanpa 1968, ona li kama lon e kulupu Aposite Sije (toki Inli: Aphrodite's Child, toki pona: jan lili pi mama sewi Aposite). tenpo sike 1972 la, kulupu ni li pana e kulupu pi sitelen kalama "666". sitelen kalama ni li pona mute tawa jan mute li pana e ijo mute tawa kalama musi ante mute. tenpo ni la, kulupu ni li pini. jan Wankeli li pali e kalama musi ante mute kin. ona li pali poka e kulupu NASA e kulupu ESA tan ni: ona li pana kalama musi pi tawa e sewi pimeja.

ona li kama moli lon tenpo sike nanpa 2022.