jan Wasimi Lenin

tan lipu Wikipesija
Revision as of 2023-01-26T05:56:24 by Tepo (toki | ante) (ilo li ante e nimi pi nasin lipu tan "ijo:" tawa "sitelen:")
(ante) ← Older revision | Latest revision (ante) | Newer revision → (ante)
Jump to navigation Jump to search
jan Wasimi Ili Lenin

Влади́мир Ильи́ч Ле́нин

Vladimir Lenin.jpg
ma ma Sesesele
pali jan lawa
kama lon ma Lusi

1870

moli ma Sesesele

1924

mama jan Ili Ulianow
jan Mali Ulianow
kulupu mama kulupu mama Ulianow
sitelen nimi
Unterschrift Lenins.svg


jan Wasimi Ili Lenin (toki Lusi: Влади́мир Ильи́ч Ле́нин) li jan lawa nanpa wan pi ma Sesesele. jan Lenin li jan sona pi nasin pi pali kulupu.

lon[o ante | o ante e toki ilo]

tenpo sike nanpa 1870 la, jan Wasimi Lenin li kama lon ma tomo Ulianowsk (ma Lusi). tenpo kama ona la, nimi ona li "Wasimi Ili Ulianow" (toki Lusi: Влади́мир Ильи́ч Улья́нов). mama meli ona li jan Mali Ulianow. mama mije ona li jan Ili Ulianow.

tenpo sike nanpa 1879 la, ona li kama lon tomo sona. tenpo sike nanpa 1887 la, ona li pini e tomo sona. ona li kama lon tomo sona suli. jan lawa li moli e jan Alesante (jan sama ona) tan ni: jan Alesante li wile moli e jan Alesante nanpa tu wan (jan lawa lon tenpo ni).

tenpo sike nanpa 1889 la, kulupu mama ona li kama tawa ma tomo Samala. ona li wile moli e jan lawa tan jan sama ona moli. tenpo sike nanpa 1895 la, ona li kama tawa ma ante. tenpo sike nanpa 1917 la, ona en jan mute li utala e jan lawa. ona li jan lawa pi ma Sesesele. tenpo sike nanpa 1918 la, jan suli (toki Lusi: Большевики) en jan Lenin li moli e jan Nikola nanpa tu e kulupu mama ona.

tenpo sike nanpa 1924 la, ona li moli.

lipu pi jan Lenin[o ante | o ante e toki ilo]

  • o pali e seme? (toki Losi: Что делать?)
  • lawa ma en ante suli (toki Losi: Государство и революция)
  • nasin mani li kama nasin utala (toki Losi: Империализм как высшая стадия капитализма)
  • ante mani sin lon kulupu jan pi jo moku (toki Losi: Новые хозяйственные движения в крестьянской жизни)