jan lawa Elisepe nanpa tu
| jan lawa Elisepe nanpa tu
Elizabeth II | |
|---|---|
| |
| ma | ma Juke |
| pali | jan lawa |
| kama lon | ma Juke
1926 |
| moli |
2022 |
| jan olin | jan Pili |
| mama | jan lawa So nanpa luka wan (mama mije) mama meli lawa Elisepe (mama meli) |
| jan lili | jan Sa jan An jan Antu jan Etewa |
| kulupu mama | kulupu mama lawa Winse |
tenpo pini la, jan lawa Elisepe nanpa tu (toki Inli: Elizabeth II) li jan lawa mama pi ma Juke li jan lawa pi kulupu ma pi lawa mama pi kulupu Komenwe. ona li kama jan lawa lon tenpo sike nanpa 1952 tan ni: mama mije ona li jan lawa So nanpa luka wan li moli. tenpo sike 2022 la jan lawa Elisepe li kama moli. ona li tan kulupu mama lawa Winse (House of Windsor). tenpo sike mute mute mute luka luka la ona li lawa. jan lawa ante pi ma Juke li lawa ala lon tenpo mute ni.
ma Juke ala la, ma pi lawa ona li ni: ma Antekapaputa en ma Kanata en ma Keneta en ma Nusilan en ma Oselija en ma Pajama en ma Papuwanjukini en ma Peli en ma Sameka en ma Sankinewi en ma Sanlusije en ma Sanwinsijenkenesin en ma Solomon en ma Tuwalu. tenpo sike nanpa 2022 la ma Papeto li pini e lawa ona (lon ma Papeto).
jan lili ona li jan lawa Sa nanpa tu wan (Charles III). ona li kama jan lawa sin pi ma Juke.