jan sewi Ese

tan lipu Wikipesija
Revision as of 2023-01-26T05:57:05 by Tepo (toki | ante) (ilo li ante e nimi pi nasin lipu tan "ijo:" tawa "sitelen:")
(ante) ← Older revision | Latest revision (ante) | Newer revision → (ante)
Jump to navigation Jump to search
Edit-clear.svg lipu ni li wile e pali tan ni: nasin toki li ike. sina ken pona e ona.
sitelen kiwen pi jan sewi Ese. ona li jo e len kiwen lawa pi jan sewi Haho.

jan sewi Ese (toki Masu pi sin ala: ꜣst; toki Nilemenkemi: Ⲏⲥⲉ, Ēse; toki Elena: Ἶσις, Îsis) li jan sewi pi nasin sewi Masu. ona li lawa e pona silejo e wawa sewi e ken pi kama jan e kon mama meli. mama mije ona li jan sewi Ke. mama meli ona li jan sewi Nu. jan sama mute ona li jan sewi Wesile li jan sewi Sete li jan sewi Nipeho. mije ona li jan sewi Wesile. sitelen nimi ona li supa monsi pi jan lawa lon sitelen Masu. jan pi mute lili li toki e ni: nimi pi jan sewi Ese li kama tan nimi pi supa monsi. jan sewi Sete li moli e jan sewi Wesile la jan sewi Ese en jan sewi Nipeho li alasa e jan sewi Wesile moli li lon e ona tan moli. jan sewi Ese li kama jo e jan sewi lili Olo li awen e ona.

sitelen ona li sitelen Te. lukin la sitelen Te en sitelen An li sama. taso luka pi sitelen Te li anpa. lukin la jan sewi Ese li meli li jo e kasi e sitelen An lon luka. len kiwen lawa ona li supa monsi pi jan lawa. jan sewi Ese en jan sewi Nipeho li alasa e jan sewi Wesile moli li mu tan pilin ike tan ni. kute la mu meli pi pilin ike en mu waso li sama. tan ni la jan li sitelen e jan sewi Ese e jan sewi Nipeho. tenpo la jan li sitelen e ona mute sama waso. tenpo la jan sewi Ese li jo e luka waso tu. jan mute li toki e ni: jan sewi Esi en jan sewi Haho li sama. tan ni la jan sewi Ese li kama jo e kon mute pi jan sewi Haho. ona li kama jo e ilo pi kalama musi e palisa lawa pi soweli e suno lon lawa.

jan Alekanto suli li anpa e ma Masu la jan lawa Tolemi mute li lawa la jan Elena en jan Loma li kama pana e olin sewi tawa jan sewi Ese e jan sewi Selapi. jan Selapi li jan sewi Wesile pi ma Elena. kin la jan li toki e ni: jan sewi Ese li jan sewi Temete li jan sewi Apotite li jan sewi Pesepone. jan lawa mute pi nasin sewi Kolisu li pini e olin sewi pi jan sewi Ese e olin sewi pi jan sewi Wesile.