jan soweli
- ike la lipu ni li lili. sina wile pona e ona la sina ken suli e ona.
musi la, jan soweli li ni: ona li jo e noka tu li ken toki sama jan, taso sijelo ona li sama soweli (anu akesi anu waso anu kala anu pipi). ijo soweli li ken suli: lawa en selo ale li ken soweli. ona li ken lili kin, sama jan soweli Kemonomimi (toki Nijon, "kute monsuta").
jan soweli li lon musi mute. sitelen tawa mute pi kulupu Tesuni (Disney) la, jan soweli anu soweli toki li lon.
nasin soweli pi jan soweli li ken lon ala. musi Pokemon la, nasin soweli sin mute li lon. mute ona li jan soweli.
kulupu olin
kulupu jan ni li lon: jan soweli li pona tawa ona. ona li ken pali e sitelen musi ona, li ken jo e selo powe ona, li ken kama lon kama kulupu.
jan kulupu mute li sitelen insa e jan soweli pi ona sama, li musi kepeken ona, li ken sitelen e ona li ken esun e sitelen ona. nasin soweli nanpa wan pi jan soweli ni li soweli alasa walo pimeja.[1]
toki Inli la, nimi pi kulupu ni li Peli (furry, "pi linja selo"). nimi ni li tawa jan soweli kin. tenpo la, jan akesi en jan kala li Sekeli (scalie, "pi kiwen selo").