sina ante e lipu "kama kulupu Etoso"

'''kama kulupu Etoso''' anu '''kama sona pi toki pona lon ma Elopa''' li [[kama kulupu]] pi [[toki pona]]. jan li tawa ona tan ni: jan li wile kama sona e toki pona lon poka pi jan ante. kama kulupu ni li lon [[ma tomo Pono]] lon [[ma Seki]] li lon [[tenpo mun]] nanpa luka tu tu lon [[tenpo sike 2015]].

== pilin en tan ==
tenpo sike mute la jan mute li tawa [[ma Lowenki]] tan ni: jan li wile kama sona e toki Epelanto lon poka pi jan ante. nimi pi kama kulupu ni li "''Somera Esperanto-Studado''" lon toki Epelanto. nimi lili ona li ''SES''. [[jan Male]] li pana e nimi ona tawa toki pona. nimi pi kama kulupu ni li "''[[kama sona pi toki Epelanto lon tenpo seli]]''". [[kulupu E@I]] li pali e kama kulupu ni.

tenpo sike 2015 la jan Elin li pali lon kulupu E@I. jan Elin en jan Wena li kama tawa [[kama sona pi toki Epelanto lon tenpo seli lon tenpo sike 2015]]. jan Elin li pilin e ni: mi o pali e kama kulupu sama tawa toki pona.

jan Wena li pana e nimi tawa kama kulupu ni. toki Epelanto la nimi ona li "'''Eŭropa Tokipona Studado'''". nimi lili li "'''EToSo'''". toki pona la nimi ona li '''kama sona pi toki pona lon ma Elopa'''. nimi lili li '''kama kulupu Etoso'''.

== jan kulupu ==
jan luka tu wan li kama li tan ma luka. jan ni li kama tawa kama kulupu Etoso:

* [[jan Elin]] tan [[ma Losi]] (tenpo pi kama ni la ona li pali lon [[ma Lowenki]])
* [[jan Wena]] tan ma Seki
* (tenpo lili la) [[jan Male]] tan ma Seki
* [[jan Mimoku]] tan [[ma Netelan]]
* [[jan Tomi]] tan [[ma Tosi]]
* [[jan Piki]] tan ma Tosi
* [[jan Jana]] tan ma Losi (tenpo pi kama ni la ona li lon ma Tosi)
* (tenpo lili la) [[jan Mika]] tan [[ma Lowenki]]

== pali jan ==
[[File:jan Male li toki sona kepeken toki pona|thumb|right|jan Male li toki e tenpo pini pi ma Seki.]]
jan ale li toki pona lon tenpo mute. toki nanpa tu li toki Epelanto tan ni: jan ale li [[jan pi toki Epelanto]].

tenpo suno nanpa wan la jan pi kama kulupu Etoso en [[jan Sonja]] li toki kepeken [[ilo sona]].

tenpo suno nanpa tu la jan Male li toki e [[tenpo pini]] pi ma Seki lon toki pona. sina ken lukin e ni lon [[lipu Jutu]] lon ni: [https://www.youtube.com/watch?v=FkKSRbuI8Qw&list=PLrnxJ3Vx-N6GOwUosYSSgS5gacPOXFJsD]

jan mute li lukin e ma tomo Pono. jan li pali e lukin pi ma tomo lon toki pona taso lon tenpo nanpa wan.

tenpo pimeja la jan Elin en jan Wena en jan Jana en jan Mimoku li lukin e ni: [[mun]] li kama pimeja lon tenpo lili.


[[kulupu:ma Seki]]
[[kulupu:toki pona]]
[[kulupu:lipu ni li tan lipu Panton la o lukin]]