kama kulupu Etoso

tan lipu Wikipesija
Jump to navigation Jump to search

kama kulupu Etoso anu kama sona pi toki pona lon ma Elopa li kama kulupu pi toki pona. jan li tawa ona tan ni: jan li wile kama sona e toki pona lon poka pi jan ante. kama kulupu ni li lon ma tomo Pono lon ma Seki li lon tenpo mun nanpa luka tu tu lon tenpo sike 2015.

pilin en tan[o ante | o ante e toki ilo]

tenpo sike mute la jan mute li tawa ma Lowenki tan ni: jan li wile kama sona e toki Epelanto lon poka pi jan ante. nimi pi kama kulupu ni li "Somera Esperanto-Studado" lon toki Epelanto. nimi lili ona li SES. jan Male li pana e nimi ona tawa toki pona. nimi pi kama kulupu ni li "kama sona pi toki Epelanto lon tenpo seli". kulupu E@I li pali e kama kulupu ni.

tenpo sike 2015 la jan Elin li pali lon kulupu E@I. jan Elin en jan Wena li kama tawa kama sona pi toki Epelanto lon tenpo seli lon tenpo sike 2015. jan Elin li pilin e ni: mi o pali e kama kulupu sama tawa toki pona.

jan Wena li pana e nimi tawa kama kulupu ni. toki Epelanto la nimi ona li "Eŭropa Tokipona Studado". nimi lili li "EToSo". toki pona la nimi ona li kama sona pi toki pona lon ma Elopa. nimi lili li kama kulupu Etoso.

jan kulupu[o ante | o ante e toki ilo]

jan luka tu wan li kama li tan ma luka. jan ni li kama tawa kama kulupu Etoso:

pali jan[o ante | o ante e toki ilo]

jan Male li toki e tenpo pini pi ma Seki.

jan ale li toki pona lon tenpo mute. toki nanpa tu li toki Epelanto tan ni: jan ale li jan pi toki Epelanto.

tenpo suno nanpa wan la jan pi kama kulupu Etoso en jan Sonja li toki kepeken ilo sona.

tenpo suno nanpa tu la jan Male li toki e tenpo pini pi ma Seki lon toki pona. sina ken lukin e ni lon lipu Jutu lon ni: [1]

jan mute li lukin e ma tomo Pono. jan li pali e lukin pi ma tomo lon toki pona taso lon tenpo nanpa wan.

tenpo pimeja la jan Elin en jan Wena en jan Jana en jan Mimoku li lukin e ni: mun li kama pimeja lon tenpo lili.