kasi suli

tan lipu Wikipesija
Jump to navigation Jump to search
kasi suli

kasi suli li kasi li jo e palisa kasi e lipu kasi e linja kasi ma. ona li ken sike e suno lon tenpo mute.

kasi suli li mute. ona li nasin mute pi kasi suli pi lukin ante.

kasi ni mute li lon ma sama la ni li ma pi kasi suli.

sijelo[o ante | o ante e toki ilo]

linja kasi ma[o ante | o ante e toki ilo]

linja kasi ma lon selo ma

linja ni li awen e kasi lon ma. kin la ona li kama jo e moku tan ma li tawa e moku ni tawa wan kasi ante.

palisa kasi[o ante | o ante e toki ilo]

selo kasi lon palisa kasi
waso lili li lon palisa lili kasi. lawa ona li pimeja. sinpin sijelo ona li jelo.
waso lon palisa lili kasi

palisa ni li lon tan ni: lipu kasi lon palisa lili li lon sewi li jo e suno. ona li wile kin e ni: kasi ante li kama jo ala e suno.

insa palisa li tawa e moku tan linja tawa lipu li tawa e moku tan lipu tawa linja.

kasi suli li jo e palisa lili mute. palisa lili li lon sewi pi palisa suli. soweli mute li lon palisa kasi. waso mute li pali e tomo lon palisa ona.

selo kasi li awen e telo lon kasi li kama e ni: soweli li moku ala e kasi. kasi li kama suli la selo li kama kiwen li weka lili.

sike kasi

jan li kipisi e palisa la ona li ken lukin e sike kasi. kasi li sike e suno lon tenpo wan la sike wan sin li kama. sike li jo e wan tu. wan pi tenpo lete li suli li walo. wan pi tenpo lete mute li lili li pimeja. jan pi sona kasi li ken sona e ijo pi tenpo pini tan lukin e sike ni. tenpo pi telo mute la sike li kama suli. tenpo pi telo lili la sike li kama lili.

lipu kasi[o ante | o ante e toki ilo]

lipu kasi

lipu ni li kama jo e kon ike e telo e suno li pana e ijo suwi e kon pona. kasi li kepeken ijo suwi ni li suli e linja e lipu sin ona. soweli li kepeken kon pona ni li pana e kon ike.

tenpo lete la lipu li ken kama kule li anpa. ma seli la kasi li anpa ala e lipu.

soweli en pipi li moku e lipu tan ni: lipu li jo e moku pona.