sina ante e lipu "kijetesantakalu"

'''kijetesantakalu''' li nimi musi pi [[jan Sonja]]. ona li pana e nimi lon [[tenpo suno musi pi tenpo mun nanpa tu tu]] pi tenpo sike 2009 kepeken toki ni<ref>http://forums.tokipona.org/viewtopic.php?f=33&t=1033</ref>:

<blockquote>
mi awen pali e lipu kepeken tenpo ale mi lon tenpo mun tu tu. pali li pona li awen. jan mute li wile sona e ni tan mi: nimi pan ala en nimi esun ala la nimi sin seme li lon lipu.

nimi sin mute la mi awen alasa e pona ona. taso nimi wan ni la mi sona e pona: "kijetesantakalu". toki Lasina la ni li toki e soweli ale pi kulupu Procyonidae. sama ni: soweli Procyon en soweli Nasuina en soweli Potos en soweli Bassaricyon en soweli Bassariscus. mi kama e nimi ni tan toki Sumi tan nimi kierteishäntäkarhu. toki Sumi la nimi ni li soweli Potos.

(ken la mi kama wile e ni: soweli ni kin li kijetesantakalu: ona li lili li loje li suwi li moku e kasi kiwen palisa lon ma Sonko. taso mi awen sona ala.)

jan Sonja<br/>
jan pali pi toki pona
</blockquote>

ni la jan ale ala li kepeken ona. ona li tan nimi "''{{toki ante|kierteishäntäkarhu}}''" pi [[toki Sumi]]. pali nimi la kijetesantakalu li soweli pi kulupu ''Procyonidae''. taso soweli loje suwi ni li lon kulupu ''Procyonidae'' ala li lon kulupu ''Ailuridae''. tan ni jan Sonja li kama toki e ni: ken la nimi o ken toki e soweli pi kulupu ''Musteloidea''. (kulupu ''Procyonidae'' en kulupu ''Ailuridae'' li lon kulupu ''Musteloidea''.)

==soweli==
[[sitelen:Procyonidae-01.jpg|alt=|thumb|216x216px|tenpo pini la kijetesantakalu ale li sama ni.]]
kijetesantakalu{{nimi|kijetesantakalu|ala}} li [[soweli]] pi sijelo suli ala. tenpo mute la sijelo ona li linja li jo e linja monsi. ona li [[soweli pi nena mama]]. ni la ona li jo e selo linja li mama e soweli lili ona. kule selo ona li ken pimeja li ken walo li ken loje anu jelo. tenpo mute la linja pimeja li lon linja monsi ona lon selo ona. kijetesantakalu mute li moku e kasi e soweli. 
[[sitelen:Musteloidea.jpg|alt=|thumb|tenpo ni la soweli ale ni kin li kijetesantakalu.]]

[[kijetesantakalu jaki]] en [[kijetesantakalu loje]] li lon.

[[kulupu:nimi_musi]]
[[kulupu:nimi_suli]]
[[kulupu:soweli pi nena mama]]