kijetesantakalu

tan lipu Wikipesija
Revision as of 2022-04-08T08:20:47 by Jan Pilesu (toki | ante) (mi pana e kijetesantakalu pi sitelen pona)
Jump to navigation Jump to search
tenpo pini la kijetesantakalu ale li sama ni.

kijetesantakalu[nimi] li soweli pi sijelo suli ala. tenpo mute la sijelo ona li linja li jo e linja monsi. ona li soweli pi nena mama. ni la ona li jo e selo linja li mama e soweli lili ona. kule selo ona li ken pimeja li ken walo li ken loje anu jelo. tenpo mute la linja pimeja li lon linja monsi ona lon selo ona. kijetesantakalu mute li moku e kasi e soweli.

tenpo ni la soweli ale ni kin li kijetesantakalu.

nimi

kijetesantakalu li nimi musi pi jan Sonja. ona li pana e nimi lon tenpo suno musi. ni la jan ale ala li kepeken ona. ona li tan nimi "kierteishäntäkarhu" pi toki Sumi. tenpo pi pali nimi la kijetesantakalu li soweli pi kulupu Procyonidae. tenpo ni la soweli pi kulupu Musteloidea li ken kijetesantakalu.