kili pi selo waso

tan lipu Wikipesija
Jump to navigation Jump to search
sitelen kili
Edit-clear.svg lipu ni li wile e pali. sina ken pona e ona.

kili pi selo waso li kili pi kasi Akinita pi ma Sonko (toki Lasina: Actinidia chinensis) en kasi Akinita Telikosa (toki Lasina: Actinidia deliciosa). ona li tan ma Sonko. ni la jan li nimi "kasi pi ma Sonko" e ona. ona li jelo laso lon insa. kili Kiwi jelo li jelo lon insa.

jan pi ma Nusilan li kepeken nimi "kiwi" (toki Mawi: huakiwi) tan ni: lukin la ona li sama waso pi nimi "kiwi".

nimi kili lon toki Sonko (lon sewi) lon toki Sonko pona (lon anpa)

tenpo pini[o ante | o ante e toki ilo]

jan li sitelen e kili lon tenpo pini mute. kili ni li kama tawa ma Nusilan. kili ni li pona tawa jan utala tan ma Juke tan ma Mewika lon utala suli nanpa tu. kili ni li kama tawa ma Juke tawa ma Kaliponja. kili li lon ma seli lon tenpo ni.

kili jelo pi selo waso[o ante | o ante e toki ilo]

sitelen pi kili Kiwi jelo

kili jelo pi selo waso (toki Inli: Kiwi Gold) li kili pi kasi Akinita pi ma Sonko. tenpo sike nanpa 1992 la, kulupu Zespri International Ltd. li pali e ona. tenpo sike nanpa 1998 la, ona li lon esun pi ma Nijon. tenpo sike nanpa 2000 la, ona li lon esun pi ma Elopa.

kili jelo li suwi mute. kili ante li suwi lili.