kule

kule li ante. ijo tu li ante la, kule ona li ante. tenpo mute la, kule li ante lukin. taso ona li ken lon jan li ken lon pilin li ken kon mute ante. laso en jelo en loje li kule li kule lukin. jan pi mute lili la, meli en mije en tonsi li kule kin li kule kon jan.

kule lukin

kule lukin li kama tan suno. suno li suno e ijo la, ijo li kama insa e suno li weka e suno ante. suno pi kama insa li seli e ijo li wawa e ijo. suno weka tan ijo li kule. suno li lon ala la, kule ala li lon.

suno walo li jo e kule ale li ken kama e loje e laso e jelo e kule ale. suno pi kule wan li ken taso kule e ijo pi kule ni. ni la, ijo ale li kule ni.

jan li lukin wawa e suno la, ona li ijo lili pi mute suli. ijo lili ale ni li sama telo suli lon insa ona. jan li lukin e telo la, ona li kama suli li kama lili li kama suli li kama lili. ijo lili suno li sama. tenpo pi ijo lili ni li kama e kule ante. tenpo ona li suli la, laso telo li lon. tenpo ona li lili la, loje li lon. tenpo ona li lon insa pi ona tu la, jelo li lon. tenpo pi ijo suno lili li lon insa pi tenpo laso (telo) pi tenpo jelo la, laso kasi li lon. tenpo li lon insa pi tenpo jelo pi tenpo loje la, jelo pi weka suno li lon.