kulupu ISO

tan lipu Wikipesija
Revision as of 2022-03-04T22:00:34 by JanSipa (toki | ante) (mi pali e lipu)
(ante) ← Older revision | Latest revision (ante) | Newer revision → (ante)
Jump to navigation Jump to search
sitlelen pi kulupu ISO

kulupu ISO (toki Inli: International Organization for Standardization, toki Kanse: Organisation Internationale de Normalisation, toki Lusi: Международная организация по стандартизации; kulupu pi ma ale pi pali e nasin pi sama tawa jan ale) li kulupu pi pali e nasin pi sama tawa jan ale. jan pi ona li tan kulupu mute pi ma wan pi pali e nasin pi sama tawa jan ale. ona li kama lon tenpo suno 23, lon tenpo mun 2, lon tenpo sike 1947. lawa ona li lon ma tomo Sini (toki Kanse: Genève)[1].

sona suli

kulupu ISO li anpa ala pi ma ale. ma 165 li lon kulupu ISO. ona ale li tawa e jan wan pi kulupu ona pi pali nasin[2]. ona li kulupu suli mute pi pali e nasin pi sama tawa jan ale li pana e pona tawa esun pi ma ale. ona li pali e nasin 20,000 anu mute. kepeken pi nasin ni li ni: pali e ijo pona. kulupu mani li kama kepeken e tenpo pali lili li pali ala e ike en jaki tan nasin pi kulupu ISO. tan nasin pi kulupu ISO la, kulupu mani li ken tawa kipisi mani sin tan nasin ni[1].

tenpo pini

kulupi li kama pali lon tenpo sike 1920 li kulupu ISA (toki Inli: International Federation of the National Standardizing Associations; kulupu suli pi kulupu mute pi pali e nasin pi sama tawa jan ale. kulupu ISA li kama pali ala lon tenpo sike 1942 lon utala suli nanpa tu[3], taso, utala li pini la, kulupu UNSCC (toki Inli: United Nations Standards Coordinating Committee; kulupu pi lawa wan pi pali e nasin pi sama tawa jan ale lon kulupu pi ma mute wan) li toki tawa kulupu ISA. toki li ni: ona li wile pali e kulupu sin pi nasin pi sama tawa jan ale. tenpo mun 10 pi tenpo sike 1946 la, kulupu ISA en kulupu UNSCC li tawa ma tomo Lontan li pali e kulupu sin: kulupu ISO. ona li kama lon tenpo mun 2 lon tenpo sike 1947.

toki

kulupu ISO li jo e toki suli 3. ona li toki Inli li toki Kanse li toki Lusi[4].

nimi en nimi lili

nimi kulupu kepeken toki Kanse li Organisation Internationale de Normalisation. toki Lusi la, ona li Международная организация по стандартизации ('Mezhdunarodnaya organizatsiya po standartizatsii'). nimi ISO li tan ala sitelen nimi. kulupu ISO li toki e ni: toki ante la, nimi pi sitelen nimi li ante. (toki Kanse la, ona li OIN, toki Inli la, ona li IOS). jan pali pi kulupu ISO li pana e nimi ISO tawa kulupu. ISO li tan nimi pi toki ElIna ίσος (isos, kon pi ona li "sama"). ma ale la, toki ale la, nimi lili li awen "ISO"[1].

nasin lawa

jan ale pi kulupu ISO li wile lon ona. jan ale li pali e nasin pona li tan ma wan. tenpo wan pi tenpo sike ale la, jan ale li tawa lon ma wan tan ni: alasa e wile pi kulupu ISO. kulupu suli lon ma tomo Sini li lawa e kulupu ISO[5].

kulupu pi jan 20 li lon. jan pi ona li ante lon tenpo mute. ona li pali e pona tawa kulupu lawa pi kulupu ISO, li pali e lipu pi mani wile[5].

kulupu sona suli pi kulupu ISO li lawa e kulupu sona lili 250 (anu mute). kulupu lili ni li pali e nasin pi kulupu ISO[5][6].

jan kulupu

laso: ma pi jan kulupu suli. jelo: ma pi jan toki. loje: ma pi jan lukin.

jan kulupu 165 li lon kulupu ISO[2].

kulupu ISO li jo e poki jan 3:[2]

  • jan kulupu suli li jan pi pali e nasin. ona li poki taso pi ken anu.
  • jan toki li tan ma pi jo ala e kulupu pi pali e nasin pi sama tawa jan ale. jan li pana e sona pi pali pi kulupu ISO tawa ona.
  • jan lukin li tan ma pi mani lili. ona li pana e mani lili tawa kulupu ISO li ken kama sona e pali pi kulupu ISO.

nimi pi jan pali li jan "P". nimi pi jan pali li jan "O".

nasin pi kama jo e mani

kulupu ISO li kama jo e mani tan:

  • kulupu pi pali lon poki pi jan kulupu
  • mani tan ma pi jan kulupu suli. mani pana li tan suli esun ona.
  • esun nasin

nasin pi ma ale en lipu ante

kulupu ISO li pali e nasin mute pi sama tawa jan ale. kin, ona li pali e nasin sona pi kepeken ijo e lipu sona[7].

ike

sina wile kama jo e nasin pi kulupu ISO la, sina wile esun e ona[8]. ijo lili pi jan ale ken ante la, mani ni li suli a[9].

lipu tan

  1. ↑ 1.0 1.1 1.2 https://www.iso.org/about-us.html
  2. ↑ 2.0 2.1 2.2 https://www.iso.org/members.html
  3. ↑ http://www.sis.pitt.edu/mbsclass/standards/martincic/isohistr.htm
  4. ↑ https://web.archive.org/web/20071004225623/http://www.iso.org/iso/iso_catalogue/how_to_use_the_catalogue.htm
  5. ↑ 5.0 5.1 5.2 https://www.iso.org/structure.html
  6. ↑ http://www.iso.org/iso/home/standards_development/list_of_iso_technical_committees.htm
  7. ↑ https://web.archive.org/web/20120613062832/http://www.iec.ch/members_experts/refdocs/iec/isoiecdir-1%7Bed9.0%7Den.pdf https://web.archive.org/web/20111016080553/http://iec.ch/members_experts/refdocs/iec/isoiec-dir2%7Bed6.0%7Den.pdf
  8. ↑ http://www.iso.org/iso/store/shopping_faqs.htm
  9. ↑ http://www.oreillynet.com/xml/blog/2007/08/where_to_get_iso_standards_on.html
tan https://wikipesija.org/index.php?title=kulupu_ISO&oldid=24685