kulupu Nintento
kulupu Nintento (Nintendo) li kulupu esun tan ma Nijon. ona li pana e musi ilo e ilo pi musi ilo. tenpo ni la, jan lawa ona li jan Pulukawa Suntalo (toki Nijon: 古川 俊太郎, Furukawa Shuntarō).
kulupu Nintento li kama lon tenpo sike nanpa 1889. mama ona li jan Jamajusi Fusasilo (toki Nijon: 山内 房治郎, Yamauchi Fusajirō). tenpo open la, ona li pali e lipu musi. tenpo 1960s la, ona li open e esun pi ijo sin. tenpo sike 1977 la, ona li pana e ilo musi Color TV-Game (toki Nijon: カラー テレビゲーム, toki pona: musi kule pi ilo pi sitelen weka). ilo ni li esun mute. tan ni, kulupu Nintento li kama e kulupu esun pi musi ilo.
tenpo ni la, kulupu Nintento li kulupu suli mute pi musi ilo. ona li pana e kulupu musi ilo suli mute: musi Malijo en musi "toki sewi pi jan Seta" en musi Pokemon en musi "ma kasi soweli" en musi Kapi en musi ante mute.
- ike la lipu ni li lili. sina wile pona e ona la sina ken suli e ona.