kulupu pi kule olin

len sitelen kule. nimi "kule" lon toki pona li kama tan kule pi len ni.

kulupu kule li kulupu jan pi nasin ante. ona li jo e kulupu pi nasin olin ante anu kulupu pi nasin unpa ante e kulupu tonsi. kulupu lili ante pi kulupu kule li ni:

• mije pi olin mije
• meli pi olin meli
• jan pi nasin olin tu
• jan pi olin ale
• tonsi
• jan pi wile unpa ala

nimi

nimi pi toki pona li tan ni: len kule li sitelen pi kulupu ni.

toki Inli la jan li kepeken e nimi ni: "LGBT". ni li lili tan Lesbian (meli pi olin meli), Gay (mije pi olin mije), Bisexual (jan pi nasin olin tu), en Transgender (tonsi). tenpo mute la, ona li jo e sitelen ante, sama e LGBTQ e LGBT+ e LGBTI anu ante.

tenpo mute en ma mute la, jan li ike tawa jan kule. taso, jan kule li pali tawa kama jo pona en ken lon kulupu jan.