kulupu pi nasin lawa
o tawa lipu nasin
o tawa ilo alasa
jan mute li wile lawa e ma. taso la, jan ante li pilin ante tawa nasin lawa ante. jan mute li pilin pona tawa nasin lawa la, ona li kama lon kulupu pi nasin lawa.
kulupu ni li wile e wawa lon lawa ma. taso la, kulupu ante li wile sama. ni la, kulupu mute li kama utala.
ma mute la, jan li pana e wile tawa lawa pi ma ona. ni la, kulupu li utala kepeken toki, li pana e pilin ona. jan mute li pilin pona tawa kulupu wan la, jan li pana e wile ona: mi wile e kulupu ni, li wile ala e kulupu ante.
taso la ma mute la, kulupu wan li awen lawa lon tenpo ale, li anpa e kulupu ante ale. ni la, kulupu ante li ken ala utala kepeken toki; jan li ken ala pana e wile pi kulupu ante.