kulupu pi sijelo wan

tan lipu Wikipesija
Revision as of 2022-05-30T03:13:20 by 49.147.198.68 (toki)
Jump to navigation Jump to search
ike la lipu ni li lili. sina wile pona e ona la sina ken suli e ona.

kulupu pi sijelo wan (toki Inli: dissociative identity disorder) la, kon pi jan mute li lon sijelo wan.[1] jan mute li pilin e ni: ni li nasa, li ike. taso kulupu mute li pilin e ni: tenpo mute la, ni li ike ala.

tan kulupu li mute. kulupu mute li kama tan ni: jan li pilin ike mute tan ike suli, li pakala, li kama jan mute.[2] kulupu ante la, tenpo ale la ona li lon. kulupu ante kin la, jan li pali e jan sin tan wile. jan mute li pilin e ni: ni li ike ala. taso jan mute kin li pilin e ni[o pana e tan sona]: ni li ike, tan ni: jan li pali e jan ante lon sijelo ona la, jan ante li wile weka tan jan ni la, ona li ken ala.

kulupu pi sijelo wan li ken ante mute.[1][3] kulupu wan la, jan ale li sona sama. kulupu ante la, jan li sona e sona ona taso, li sona ala e pali anu jan pona pi jan kulupu ante. kulupu la, jan mute li ken lon, taso nasin mute pi jan wan taso li ken kin.

jan pi kulupu wan li ken ante mute kin. ken la jan wan li ken toki kalama, taso jan ante li ken ala.[1] ken la "ma lawa" la jan li jan ala, li jan soweli anu soweli taso anu ilo sona anu jan tan musi anu ante.[2]

jan kulupu li "lon sinpin" la, ona li lawa e sijelo.[3] kulupu mute li ken ala sinpin tan wile. ona li ken tan pilin ike, li ken tan ken.[2]

tan sona

  1. 1.0 1.1 1.2 kulupu Aponi la, nasin kulupu li seme?, lon lipu kule.
  2. 2.0 2.1 2.2 jan Gergő Ribáry en jan László Lajtai en jan Zsolt Demetrovics en jan Aniko Maraz la, nasin kulupu pi sijelo wan la: kepeken toki lukin la, kama sona pi pilin pi jan ni: ona li jo e kon mute (toki Inli: Multiplicity: An Explorative Interview Study on Personal Experiences of People with Multiple Selves) (2017-06-13), lon lipu jan sinpin pi nasin sona pi pali lawa (toki Inli: Frontiers in Psychology).
  3. 3.0 3.1 kulupu Alesanwa la, wan tan mute en mute tan wan, lon lipu nanpa 9 pi lipu tenpo nanpa mun (2021-03-01).