kute ala

tan lipu Wikipesija
Jump to navigation Jump to search
sitelen pi kute ala

kute ala anu kute ike anu kute weka anu kute lili li ijo ike pi sijelo jan.

jan pi kute ala anu jan pi kute ike li ken ala kute anu ken kute ike e kalama.

jan ni li wile toki la ona li ken kepeken toki luka. taso jan ante li sona ala e toki ni la ona li ken ala toki tawa ona.

jan pi kute ala li ken pilin taso tan ni: ona li ken ala toki tawa jan ante.

tan[o ante | o ante e toki ilo]

tan pi kute ala li mute.

jan li kama suli la kute ona li ken kama ike. jan ni li ken kama jo e ilo pi pona kute .

jan li ken pakala anu weka e kute ona tan ni: kalama pi suli ike li lon.

jan lili li ken kute ala tan ni: ona li lon mama la ijo ike li lon.

ijo ike ante li ken pakala e kute jan.

nasin pona[o ante | o ante e toki ilo]

jan pi kute ike li ken kepeken e ilo pi pona kute. ilo ni li pona lili e kute ona kepeken ni: kalama li kama wawa.

ilo sona li ken pali e ni: ona li kute e toki la ona li sitelen e toki ni. ni li pona tawa jan pi kute ala tan ni: ona li ken lukin e sitelen ni.

jan pi kute ala li ken lukin. tan ni la ona li wile toki la ona li ken kepeken toki luka.

jan pi kute ala li ken kama sona e ni: ona li lukin e uta pi jan toki la ona li sona e toki ona. taso ni li ike: jan li kalama e nimi la nimi mute li lukin sama lon uta ona.