leko Lupiko

tan lipu Wikipesija
Revision as of 2022-05-18T11:56:09 by Jan Lijamo (toki | ante) (mi pona e pakala lili mi)
Jump to navigation Jump to search
leko Lupiko pi kule sama ala

leko Lupiko li ilo musi leko tan jan Eno Lupiko (toki Inli: Ernő Rubik). jan Lupiko li kama tan ma Mosijo (toki Inli: Hungary) li pali e ilo musi ni lon sike 1974, taso jan li ken esun e ona lon sike 1980. tenpo open la, leko Lupiko li nimi ‘leko nasa’. jan 450,000,000 esun e ilo musi ni! ilo musi ni li wile e ni: lawa sina li pali mute. ni la, leko Lupiko li jo e nasin 43,252,003,274 489,856,000! nasin pali li ni: sina ken ante e sijelo ona. sina wile e ni: sinpin ale ona li jo e kule wan. ken la, pilin sina li ni: ona li wile ala e lawa suli. taso jan Lupiko li pali e ona kepeken tenpo mun wan. tenpo ni la, jan li ken pali e ona kepeken tenpo lili a. jan Juson Tu (toki Inli: Yusheng Du, toki Sonko: 杜宇生) li pali e ona kepeken tenpo lili 3.47! toki pini la, leko Lupiko li wile e ni: lawa sina li pali mute. taso jan ale ken kama sona pali e ona. lipu Jutu li jo e sitelen tawa pi kama sona pona mute. tenpo ni la, leko Lupiko li ken leko ante. leko Lupiko li ken jo e sinpin mute e kule mute. jan li ken utala lon tenpo utala pi leko Lupiko lon ma ale.