leko Lupiko

tan lipu Wikipesija
Jump to navigation Jump to search
leko Lupiko pi kule sama ala

leko Lupiko li ilo musi leko tan jan Lupiko Eno (toki Mosijo: Rubik Ernő). jan Lupiko li kama tan ma Mosijo li pali e ilo musi ni lon tenpo sike nanpa 1974. taso jan li ken esun e ona lon tenpo sike nanpa 1980.

tenpo open la, nimi pi leko Lupiko li ‘leko nasa’. jan 450 000 000 li esun e ilo musi ni! ilo musi ni li wile e ni: lawa jan li pali mute. ni la, leko Lupiko li jo e nasin [252 003 274 489|43 252 003 274 489] 856 000! nasin pali li ni: sina ken ante e sijelo ona. jan li wile e ni: sinpin ale ona li jo e kule wan. ken la, pilin sina li ni: ona li wile ala e lawa suli. taso jan Lupiko li wile pini e musi ni la ona li wile e tenpo mun wan.

tenpo ni la, jan li ken kepeken musi ni kepeken tenpo lili a. jan Ma Pa (toki Inli: Max Park) li kepeken ona kepeken tenpo lili 3.13! toki pini la, leko Lupiko li wile e ni: lawa jan li pali mute. taso jan ale li ken kama sona nasin e ona. lipu Jutu li jo e sitelen tawa mute pi kama sona pona. tenpo ni la, leko Lupiko li ken leko ante. leko Lupiko li ken jo e sinpin mute e kule mute. jan li ken utala lon tenpo utala pi leko Lupiko lon ma ale.