lipu nasin utala pi jan Sun Su

lipu "nasin utala pi jan Sun Su" (toki Sonko: 孫子兵法, Sūnzǐ bīngfǎ) li sitelen toki pi nasin pi kulupu utala tan ma Sonko pi tenpo pini suli. jan li toki e ni: mama ona li jan Sun Su (孫子, Sūnzǐ). taso, jan ante li pilin e ni: jan Sun Su li lon ala. ona li sitelen lon tenpo sike 500 BCE anu tenpo poka.

lipu ni li kama suli mute tawa nasin utala lon ma Asija pi kama suno. jan utala suli mute li lukin e lipu ni. tenpo pini lili la, jan li ante toki e lipu ni tawa toki pi ma Elopa. tenpo sike 1772 la, ona li ante tawa toki Kanse. toki Kanse la, ona li jo e nimi "L'Art de la guerre" ("musi utala"). tenpo sike 1910 la, ona li ante tawa toki Inli. tan ni la, lipu ni li kama suli tawa jan lon ma pi pini suno.