lipu Wikipedia

tan Wikipesija
o tawa poki nasin o tawa alasa
sitelen pi lipu Wikipedia li sitelen tan nasin sitelen ante lon sike

lipu "Wikipedia" anu lipu Wikipesija li ilo li lipu sona suli. ona li open lon tenpo sike 2001. nimi nasin ona li https://wikipedia.org/.

ona la jan mute li ken pana e lipu sona pi ijo ale. nasin ona la jan ale li ken pali e lipu li ken ante e lipu. ni li nasin Wiki. ona li lipu ante pi nasin Wiki. jan mute lon ma ali li kepeken lipu Wikipesija.

lipu Wikipedia pi toki pona[o ante | o ante e toki ilo]

lipu Wikipedia li lon toki ante mute. taso ona li lon ala toki pona lon tenpo ni. tenpo pini la lipu "Wikipedia" li jo e ante lili pi toki pona. taso tenpo sike nanpa 2005 la ona li weka tan ni: jan pi mute lili li pali e ona. jan li pali e ante sin lon lipu Penton (Fandom).

lipu Wikipesija[o ante | o ante e toki ilo]

kulupu li pali e lipu Wikipesija tawa ni: ona li wile kama e lipu "Wikipedia" sin pi toki pona. kulupu lawa pi lipu Penton ale li ante e nasin ona li lawa e lipu ale. lipu Wikipesija lon toki pona li kama tawa e ma wikipesija.org lon tenpo sike 2021. lipu ni la jan sitelen li anpa ala tawa jan lawa pi lipu Penton.

lipu sama pi lipu sona Wikipesija[o ante | o ante e toki ilo]

kulupu jan Wikimesija li jo e lipu sona Wikipesija e lipu sama mute. ona li wile pana e sona tawa jan mute lon toki mute.

nimi pi toki mute li lon lipu Wisonali. sona sin li lon lipu Wikiju. sitelen mute li lon lipu Komon. lipu toki mute li lon lipu Wikiso. toki mute li lon lipu Wikikote. lipu tenpo li lon lipu Wikinu. lipu tawa li lon lipu Wikiwajase. kulupu sona li lon ilo Wikitata.