lipu ku (toki Inli: Toki Pona Dictionary, "lipu nimi pi toki pona") li lipu nimi tan mama Sonja pi toki pona. lipu la jan Sonja li pana e sona nimi tan kulupu pi toki pona lon ilo Siko li pona e pakala pi lipu pu. lipu li pana e nimi sin mute li kulupu e ona. kulupu wan li nimi ku suli. kama sona pi jan Sonja la jan mute li pana e nimi ni. kulupu ante li nimi ku lili. kama sona ona la jan pi mute lili li pana e nimi ni. jan li ku la ona li kepeken lipu nimi ni pi jan Sonja sama nimi pu. nimi ku li nimi ale pi lipu ni.

nimi ku kepeken sitelen pona

insao ante

lipu li lon kulupu mute. open la jan Sonja li pana e toki pi lipu pu. insa li jo e lipu nimi ale. ni li kulupu pi suli nanpa wan. pini la ona li pana e pali musi kulupu.

toki pi lipu puo ante

open pi kulupu ni la jan Sonja li toki e ni: lipu pu li wile lipu pi moli ala. ni la ona li pana e ante lili ona. ona li pana e nasin ante kulupu li pona e pakala li suli e toki pi lipu pu.

nimi "seli"o ante

lipu pu la sona pi nimi seli li toki ala e ni: nimi "seli" li ken nimi ijo. taso ona li toki e kon pi nimi ijo pi nimi "seli".

lipu ku la nimi "seli" li ken nimi ijo.

nimi "nasa"o ante

lipu pu la nimi "nasa" li jo e kon ni: "jan pi nasin toki insa pakala". taso kon ni li ike tawa jan mute.

lipu ku la kon ni li weka tan nimi "nasa".

lipu nimi pi toki ponao ante

lipu nimi li lon kulupu tu. kulupu lipu nanpa wan li tan toki Inli tawa toki pona. kulupu lipu nanpa tu li tan toki pona tawa toki pona.

open la jan Sonja li pana e sona pi kepeken lipu. lipu nimi li jo e sitelen pi jan Wakon.

pali musio ante

kulupu lipu ni la jan Sonja li pana e pali musi kulupu. ona tu li toki musi. pali ante li nasin nanpa nasa musi.

kama sona pi jan Sonjao ante

jan Sonja li wile sona e nasin nimi kulupu lon ma pona pi toki pona (lon ilo Siko). ona li pali e lipu pi alasa sona mute. nimi mute li lon lipu ni tan alasa sona. jan kulupu pi ilo Siko li pana e sona tawa jan Sonja. jan Sonja li pali e lipu pi nimi ni. sona pi alasa sona ni li lon lipu ku.

kulupu pi nimi kuo ante

lipu li pana e nimi ku lon kulupu tu.

nimi ku sulio ante

jan mute pi toki pona li pana e nimi la ona li nimi ku suli:

nimi ku lilio ante

jan mute pi toki pona li kepeken lili anu kepeken ala nimi la ona li nimi ku lili.

o lukino ante