lipu toki Nikija

lipu lawa pi nasin sewi Kolisu:

mi sona e ni:
jan sewi Jawe li wan.
ona li mama pi wawa ale.
ona li pali e sewi e ma anpa.
ona li pali e ijo lukin e ijo lukin ala.

jan Jesu li jan sewi Jawe.
ona li jan lili lon wan.
ma li lon ala la, ona li jan mama.
ona li jan sewi Jawe tan jan sewi Jawe.
ona li suno tan suno.
ona li jan sewi lon tan jan sewi lon.
ona li lon.  jan li pali ala e ona.
ona li ijo wan lon poka mama.
ijo ale li tan ona.
ona li kama anpa tan sewi,
tawa jan mute, tawa pona jan.
ona li kama sijelo kepeken jan kon sewi, lon jan walo Mawi.
ona li kama jan.
ona li kama moli, tawa mi, tan jan Ponsi Pilate.
ona li pilin ike li pini moli.  ona li tawa insa ma.
tenpo suno nanpa tu wan la, ona li kama sin.
lipu sewi la, ona li pali.
ona li tawa sewi laso.
ona li awen anpa lon poka mama.
tenpo kama la, ona li kama, lon poka pona!
ona li toki e pona anu ike, tawa jan lon tawa jan moli.
tenpo ala la, ma lawa ona li pini.

jan kon sewi li jan sewi Jawe.
ona li pana e lon.
ona li kama, tan mama tan jan lili.
poka mama, poka jan lili la, 
ona li kama sewi li kama pona sewi.
tenpo pini la, ona li toki, kepeken jan toki.
kulupu sewi li wan li sewi tan jan toki pana.
anpa wan pi telo pona li weka e ike jan.
mi lukin e kama sin pi jan moli.
ma kama la, mi lon.
ni li nasin.