ma Alensina
| ma Alensina
Argentina | |
|---|---|
 len ma |
 sitelen lawa |
| kalama musi ma
Himno Nacional Argentina | |
| |
| ma tomo lawa | ma tomo Puwenosale |
| toki lawa | toki Epanja |
| jan lawa | jan Kasien Mile |
| mani | mani Peso pi ma Alensina |
| tenpo | UTC-3 |
| ISO 3166 | AR |
| lipu ilo | https://www.argentina.gob.ar/ |
ma Alensina (toki Epanja: Argentina) li lon ma Amelika seli. tenpo pini la ona li lawa tan ma Epanja. nimi "Argentina" li tan ni: ona la kiwen mani walo li lon.[1]. ma li jo e nimi mute tan tenpo[2]; taso jan mute li kepeken nimi "Republica Argentina" taso.
ma ni li poka e ma Pasila e ma Palakawi e ma Polipija e ma Sile e ma Ulukawi.
tenpo pini[o ante | o ante e toki ilo]
tenpo pini la lawa Epanja li lawa ma Amelika seli. ma ni li kipisi li ma mute. ma wan ni li ma Lilopata (toki Epanja: Río de la Plata, "telo pi kiwen mani walo"). ma ni la, ma tomo Puwenosale li lon li lawa. jan Napolejon Ponapa li kama lawa ma Epanja la, jan Epanja li pilin ike li alasa lawa ma. ma tomo Epanja li alasa kama lawa ma ona. sama la, ma tomo Puwenosale li utala e ma ante li kama lawa. jan Napolejon li kama weka la, ma tomo Epanja li lawa e jan Penanto pi lawa Epanja (toki Epanja: Fernando VII). taso, ma tomo Puwenosale li lawa ala e jan lawa Epanja. tenpo ni la ma tomo Puwenosale li lawa ma suli lon ma Lilopata. ona en ma mute Lilopata li utala e ma Epanja, li kama lawa. kulupu ma (toki Epanja: Provincias Unidas del Sur) li kama wan. taso, tenpo ni la ma tomo Puwenosale li suli mute li lawa ma ale. ni la jan ma li pilin ike. ona li wile e ni: ma ona en ma Puwenosale en ma ante ale li sama lawa. ni la, nasin lawa pi kulupu ma li lon ala; ma li utala.
- ike la lipu ni li lili. sina wile pona e ona la sina ken suli e ona.