ma Amelika

ma Amelika
ma suli
ma lili	ma lili ma Alensina ma Awisi ma Ekato ma Kalalinuna ma Kanata ma Katemala ma Kenata ma Kosalika ma Kupa ma Mesiko ma Mewika ma Ontula ma Palakawi ma Panama ma Papeto ma Pasila ma Pawama ma Pelu ma Pemuta ma Penesuwela ma Sameka ma Sile ma Sinita ma Tominika ma Ulukawi

ma Amelika li ma suli li jo e ma mute. ona li jo e ma Amelika lete e ma Amelika seli. ma Amelika insa li lon insa.

tenpo nanpa wan la jan li kama tawa ma Amelika tan ma Asija. jan ni li jan nanpa wan pi ma Amelika.

jan Le Elison pi ma Isilan li jan nanpa wan pi ma Elopa lon ma Amelika. taso jan Kitopa Kolonpo en kulupu ona li kama e ma tomo awen nanpa wan pi ma Epanja lon ma Amelika li jan pi ma Elopa li kama lukin li kama lawa li pali e tomo mute. ni la jan pi ma Elopa li anpa li moli e jan nanpa wan mute. sama la jaki lili pi ma Elopa li moli e jan nanpa wan mute.

ma Mewika li open e weka pi ma Amelika tan lawa pi ma Elopa. tenpo ni la jan pi ma Elopa li lawa ala e ma mute pi ma Amelika.

nimi

nimi "Amelika" li tan nimi pi jan Ameliko Wepusi lon toki Lasina. nimi Ameliko pi toki Italija li sama nimi Emeki pi toki Tosi. kon pi nimi ni li "jan lawa wawa" anu "jan lawa tomo".

toki jan la jan Ameliko Wespusi li toki pi tenpo nanpa wan e ni: ma Amelika li ma suli ante li ma Asija ala sama pilin pi jan Kitopa Kolonpo. open la jan li kepeken nimi ni tawa ma Amelika seli. taso jan pali Ke Keme (Kelatu Mekato lon toki Lasina) pi lipu ma li kepeken nimi tawa ma Amelika tu.