ma Apika Elasija

sitelen ma sike. ma Apika Elasija li laso. ma ante li walo pimeja. telo li walo.

ma Apika Elasija (Afro-Eurasia) li ma suli ni: ona li jo e ma Apika, e ma Elopa, e ma Asija.

ma ni ale li wan. telo ala li tu e ma Elasija.

linja telo Suwesi (toki Alapi: قَنَاةُ السُّوَيْسِ / Qanātu s-Suways) li tu e ma Apika Elasija tawa ma Apika, tawa ma Elasija. taso, ma mute la, linja telo ni li lili, li kama tan jan. nasin linja sewi tu li wan e ma Apika, e ma Elasija.