ma Kinejekatolija
| ma Kinejekatolija
Guinea Ecuatorial | |
|---|---|
| ma lawa | |
 len ma |
 sitelen lawa |
| |
| ma tomo lawa | ma tomo Malapo |
| ma suli | ma Apika |
| toki lawa | toki Epanja
toki Potuke toki Kanse |
ma Kinejekatolija li ma lon ma Apika. ona li lon poka pi ma Kapon li lon poka pi ma Kamelun li lon poka pi ma Satomejepinsipe. ma tomo lawa pi ma Kinejekatolija li ma tomo Malapo lon ma Pijoko. taso, tenpo kama la ma tomo Ojala li ma tomo lawa. ma tomo pi ma Kinejekatolija la ma tomo Pata li suli nanpa wan.
ona li pali e mani mute kepeken telo pimeja. taso, jan nanpa lili li jo e mani mute. jan mute lon ma Kinejekatolija li jo e mani pi lili mute.
tenpo pini[o ante | o ante e toki ilo]
tenpo pini mute la kulupu Pantu li kama tawa ma Kinejekatolija.
tenpo sike 1472 la jan Fenajo Po li lukin e ma Pijoko la nimi pi ma Pijoko li ma Fenajopo lon tenpo pini. ma Potuke li anpa e ma.
tenpo sike 1778 la ma Epanja li jo e ma Kinejekatolija.
tenpo sike 1968 la ma Kinejekatolija li tawa tan ma Epanja li kama ma lawa. jan Fansiko Masija Nujema li kama jan lawa ike pi ma Kinejekatolija. jan mute li weka tan ma Kinejekatolija. taso, jan Masija li moli e jan pi 50,000 anu 80,000.
tenpo sike 1979 la kulupu utala pi ma Kinejekatolija li weka li moli e jan Masija. jan Tejotowo Opijan Nujema Masoko li kama jan lawa pi ma Kinejekatolija.