ma Lusi en ma Ukawina li utala

utala lon tenpo sike 2022

tenpo sike 2014 la ma Lusi li utala e ma Ukawina. tenpo sike 2022 la utala ni li awen.

pini la, jan mute pi ma Ukawina li toki utala tawa lawa ma ona. jan Wito Janukowi li jan lawa pi ma Ukawina. ona li weka e toki kulupu pi wan Elopa. jan mute li wile weka e lawa pi ma Ukawina, li pilin ike tawa ma Lusi, li pilin pona tawa kulupu ma Elopa. toki utala Jelomatan la jan lawa pi ma Ukawina li lukin pakala e jan toki, li moli e ona. jan lawa pi ma Lusi li pilin pona tawa ni. taso jan pi toki utala li anpa e lawa ona, li pali e lawa sin. jan Wito Janukowi li tawa ma Lusi.

kulupu utala pi ma Losi li tawa ma Kilin. taso ona li jo ala e len utala pi ma Lusi. ona li tawa ma Kilin, li moli e jan, li monsuta e jan, li nasa e toki nasin. tan ante lawa nasa la lawa pi ma Kilin en ma tomo Sewatapo li weka tan ma Ukawina. ma Lusi li lanpan e ona. ni li open e utala. ma Lusi li lanpan e ma Kilin.

jan mute pi toki Losi lon open suno pi ma Ukawina li toki utala tawa lawa sin pi ma Ukawina. jan ni la, ma tomo Tanesiki, lon ma tomo Lukansiki li open weka tan ma Ukawina li toki e lawa sin. ma Lusi li pana e ilo utala e kulupu utala tawa ma ni.

tenpo sike 2021 la, kulupu utala pi ma Losi utala la li tawa insa pi ma Ukawina tan ma ona, tan ma Pelalusi. tan ma Pelalusi la, kulupu utala li lanpan e tomo wawa Sonlopeli li tawa ma tomo Kiju. ma Lusi li pana e ilo pakala mute lon ma tomo pi ma Ukawina. jan mute li moli. lawa pi ma mute li toki ike li pini e ni: ona en ma Lusi li ken esun.