ma Mewika
- lipu ni li toki lon ma lawa. sina alasa e ma kiwen la o lukin e lipu ni: ma Amelika
|
lipu ni li wile e pali. sina ken pona e ona. |
| ma Mewika
United States of America | |
|---|---|
 len ma |
 sitelen lawa |
| kalama musi ma
| |
| |
| ma tomo lawa | ma tomo Wasinton |
| ma suli | ma Amelika |
| toki lawa | ala |
| toki ante | toki Inli |
| mani | mani pi ma Mewika ($) (USD) |
| ISO 3166 | US |
ma Mewika li ma suli lon ma Amelika. toki Inli la jan li pana e nimi the United States of America tawa ona. wan ona la ma wan pi mute 50, en ma tomo lawa wan, en ma telo suli luka, en ma 326 pi kulupu Mewika-Intajan li jo e lawa taso ona. kin ma telo lili mute li lon. ma en kulupu en mani en wawa la ona li suli mute a. ma tomo Sisi e ma lawa. mute kulupu la ma tomo Nujo li nanpa wan.
pini suli la kulupu majuna Amelika li kama lon ma Amelika tan ma Sipi. pini lili la kulupu Elopa li kama. ma Juke li pali e ma sin lon ma Amelika lon poka pi telo Alansi. ni li ma Mewika sin. taso ma Juke li lawa ike e ma sin. kulupu Mewika li wile weka tan ma Juke, li utala e ona. jan mama pi ma Mewika li pali e lawa lawa, e lawa pi ken jan.
kulupu Mewika li tawa telo Pasipi, li weka e kulupu Mewika-Intajan tan tomo ona, li pali e ma tu sin. jan li ken poki e jan ante. jan mute li pilin ike tawa ni. taso jan mute li pilin pona tawa ni. ma tu li utala. ma pi poki ala li anpa e ma poki. jan li ken ala poki e jan. taso lawa li awen ken poki e jan, li awen ken lawa e pali ona.
kulupu Mewika li pilin ike mute tawa ma Sesesele. utala lete la ona li utala e ona. taso ona li kepeken ala e ilo utala. ona li lawa e ma ante. ma ni li utala ilo. jan Mewika li tawa kon mun, tawa mun "mun". kulupu utala pi ma Mewika li suli mute, li wawa mute, li utala e ma ante.
jan li lawa e jan lawa pi ma Mewika. ma Mewika li wawa mute, li lawa e ijo mute. kulupu mute en nasin mute li lon ma Mewika. jan mute li kama tawa ma Mewika tan ma ante. taso kulupu li sama ante. ike mute li tan ni. kulupu wawa li moli e jan tan kulupu pi wawa lili, li poki e ona, li ike e sijelo ona.
ma lili
ma Mewika li jo e ma lili mute:
- ma Ajowa (IA)
- ma Akanso (AR)
- ma Alaka (AK)
- ma Alapama (AL)
- ma Atajo (ID)
- ma Awawi (HI)
- ma Ewisona (AZ)
- ma Ilino (IL)
- ma Insijana (IN)
- ma Juta (UT)
- ma Kaliponija (CA)
- ma Kanesika (CT)
- ma Kense (KS)
- ma Kentaki (KY)
- ma Kolowato (CO)
- ma Lowita (FL)
- ma Luwisijana (LA)
- ma Masasusi (MA)
- ma Men (ME)
- ma Mewilan (MD)
- ma Minisota (MN)
- ma Misikan (MI)
- ma Misisipi (MS)
- ma Misuwi (MO)
- ma Montana (MT)
- ma Nepaka (NE)
- ma Niwata (NV)
- ma Nokawolana (NC)
- ma Notakota (ND)
- ma Nujoka (NY)
- ma Numesiko (NM)
- ma Nusesi (NJ)
- ma Nuwanse (NH)
- ma Okajoma (OK)
- ma Otajan (RI)
- ma Owajo (OH)
- ma Owekan (OR)
- ma Pensiwenja (PA)
- ma Sakawolana (SC)
- ma Satakota (SD)
- ma Sosa (GA)
- ma Telawe (DE)
- ma Tenesi (TN)
- ma Tesa (TX)
- ma Wajomin (WY)
- ma Wasinton (WA)
- ma Wemon (VT)
- ma Wesinja (VA)
- ma Wewesinja (WV)
- ma Wikansen (WI)
ma ante
- ma Sisi (ma tomo Wasinton) (DC)
- ma Kawan (GU)
- ma Petoliko (PR)