ma Monko

tan lipu Wikipesija
Revision as of 2022-03-24T03:55:52 by JanLawa (toki | ante) (mi pona e lipu)
Jump to navigation Jump to search
ma Monko

Монгол Улс

Flag of Mongolia.svg

len ma

State emblem of Mongolia.svg

sitelen lawa

kalama musi ma

Монгол улсын төрийн дуулал

Mongolia (orthographic projection).svg
ma tomo lawa ma tomo Ulanpata
toki lawa toki Monko
mani mani Monko
ike la lipu ni li lili. sina wile pona e ona la sina ken suli e ona.

ma Monko li ma lon ma Asija. ona li lon poka ma Losi en ma Sonko. ona li lon poka ala pi telo suli. taso, ona li jo e telo Koko, e telo Uwe. ma tomo Ulanpata li ma tomo lawa. mute jan la ma tomo Ulanpata li ma tomo nanpa wan lon ma Monko. ma Kopi li ma pi telo ala lon ma Monko.

ma suli mute li tan ma Monko. ma Sonu en ma Sanpi en ma Lolan en ma Kotu li tan ma Monko. sike suno nanpa 1206 la jan Temusin li wan e ma Monko, li pali e ma suli Monko. ona li kama e ma suli mute mute, li anpa e ma mute. jan Kupili tan kulupu mama pi jan Temusin li anpa e ma Sonko, li pali e kulupu mama Jan.

tenpo pini la nasin sewi Tenki li nasin sewi suli lon ma Monko. tenpo lon la ona li nasin sewi lili. nasin sewi Puta li nasin sewi suli ona lon tenpo ni.

ma

tomo sewi lon ma Kopi

ma Monko li suli li jo e ma mute. taso, ma suli la ona li jo e jan pi mute lili. jan mute li lon ma tomo Ulanpata. jan pi mute lili li lon ma tomo ante.

ma Kopi li ma suli pi telo ala. ona li lon ma Monko. kin, ma Monko li jo e kulupu suli nena mute. ni li kulupu nena Atan, li kulupu nena Kanki, li kulupu nena Kensi, li kulupu nena Sajan.

nasin telo Selenka li lon ma Monko. linja telo Onon li mama pi nasin telo Amu, li lon ma Monko.