ma Monko

ma Monko li ma lon ma Asija. ona li lon poka ma Losi en ma Sonko. ona li lon poka ala pi telo suli. taso, ona li jo e telo Koko, e telo Uwe. ma tomo Ulanpata li ma tomo lawa. mute jan la ma tomo Ulanpata li ma tomo nanpa wan lon ma Monko. ma Kowi li ma pi telo ala lon ma Monko.

ma Monko Монгол Улс
ma lawa
len ma	sitelen lawa
kalama musi ma Монгол улсын төрийн дуулал kalama musi pi ma Monko
ma tomo lawa	ma tomo Ulanpata
toki lawa	toki Monko
tenpo open	open ma suli Monko: sike suno nanpa 1206 lipu open: sike suno nanpa 1911
mani	mani Monko (₮)

ma suli mute li tan ma Monko. ma Sonu en ma Sanpi en ma Lolan en ma Kotu li tan ma Monko. sike suno nanpa 1206 la jan Temusin li wan e ma Monko, li pali e ma suli Monko. ona li kama e ma suli mute mute, li anpa e ma mute. jan Kupili tan kulupu mama pi jan Temusin li anpa e ma Sonko, li pali e kulupu mama Jan.

tenpo pini la nasin sewi Tenki li nasin sewi suli lon ma Monko. tenpo lon la ona li nasin sewi lili. nasin sewi Puta li nasin sewi suli ona lon tenpo ni.

ma

tomo sewi lon ma Kowi

ma Monko li suli li jo e ma mute. taso, ma suli la ona li jo e jan pi mute lili. jan mute li lon ma tomo Ulanpata. jan pi mute lili li lon ma tomo ante.

ma Kowi li ma suli pi telo ala. ona li lon ma Monko. kin, ma Monko li jo e kulupu suli nena mute. ni li kulupu nena Atan, li kulupu nena Kanki, li kulupu nena Kensi, li kulupu nena Sajan.

nasin telo Selenke li lon ma Monko. linja telo Onon li mama pi nasin telo Amu, li lon ma Monko.

ma tomo

mute jan la ma tomo Ulanpata li ma tomo nanpa wan. ma tomo Etene, en ma tomo Takan, en ma tomo Kopasan, en ma tomo Molon li ma tomo suli ante. taso, ma tomo Ulanpata la ona ale li lili.

ma lili

ma lili luka luka luka luka wan [toki Monko: аймаг/ᠠᠶᠢᠮᠠᠭ] en ma tomo wan li kipisi e ma Monko. kipisi ma mute [toki Monko: сум/ᠰᠤᠮᠤ] li kipisi e ma lili ona.

ma lili ale lon ona

nimi	nimi mama	len ma	sitelen ma	mute jan	ma tomo lawa
ma tomo Ulanpata	Улаанбаатар			1,539,810	ma tomo Ulanpata
ma Koko	Хөвсгөл			135,095	ma tomo Molon
ma Ojokanki	Өвөрхангай			116,732	ma tomo Awaki
ma Selenke	Сэлэнгэ			110,110	ma tomo Supata
ma Pajoke	Байн-Өлгий (toki Monko) Baı-Ölke (toki Kasa)			108,530	ma tomo Olki (toki Monko) ma tomo Olke (toki Kasa)
ma Okon	Орхон			107,634	ma tomo Etene
ma Takanu	Дархан-Уул			107,018	ma tomo Takan
ma Akanki	Архангай			94,994	ma tomo Sesele
ma To	Төв			94,250	ma tomo Sumo
ma Ko	Ховд			89,712	ma tomo Ko
ma Pajankonko	Баянхонгор			88,672	ma tomo Pajankonko
ma Uwe	Увс			83,223	ma tomo Ulankon
ma Tono	Дорнод			82,054	ma tomo Kopasan
ma Kensi	Хэнтий			77,957	ma tomo Ontokan
ma Sakan	Завхан			72,823	ma tomo Ulijasa
ma Tonokowi	Дорноговь			71,014	ma tomo Sansan
ma Omokowi	Өмнөговь			69,187	ma tomo Talansaka
ma Supata	Сүхбаатар			63,182	ma tomo Taluntu
ma Pukan	Булган			62,089	ma tomo Pukan
ma Kowijatan	Говь-Алтай			57,748	ma tomo Atan
ma Tunkowi	Дундговь			47,104	ma tomo Mantakowi
ma Kowisunpe	Говьсүмбэр			17,399	ma tomo Ko

ma Asija

ma Aja · ma Akanisan · ma Anku lete · ma Anku seli · ma Asepajan · ma Ilakija · ma Ilan · ma Imalasi · ma Intonesija · ma Isale · ma Jamanija · ma Kanpusi · ma Kasatan · ma Katali · ma Katelo · ma Kilisa · ma Kiposi · ma Kuwasi · ma Lajo · ma Lanka · ma Losi · ma Lunpan · ma Malasija · ma Masu · ma Mijama · ma Monkolu · ma Nepalu · ma Nijon · ma Opekitan · ma Pakisan · ma Palani · ma Palata · ma Panla · ma Pilipina · ma Pilisin · ma Punawi · ma Sajusi · ma Sikimenisan · ma Simolete · ma Sinkapo · ma Siwewi · ma Sonko · ma Sulija · ma Tawan · ma Tawi · ma Tosikiton · ma Tuki · ma Tuku · ma Uman · ma Utun · ma Wije