ma Naselija

ma Naselija (toki Inli: Nigeria naɪˈdʒɪəriə) li ma lon ma Apika pi pini suno. ma Naselija li lon poka pi ma ni: ma Pene en ma Nise en ma Sate en ma Kamelun. mute jan la ma Naselija li suli nanpa wan lon ma Apika. mute jan la ma tomo Eko (ma tomo Lako) li suli nanpa wan lon ma Naselija. jan mute lon ma Naselija anpa li alasa e nasin sewi Kolisu, taso jan mute lon ma Naselija sewi li alasa e nasin sewi Isilan.

ma Naselija Nigeria (toki Inli) Najeriya (toki Awasa) Naìjíríyà (toki Ipo) Nàìjíríà (toki Jolupa)
len ma	sitelen lawa
kalama musi ma Arise, O Compatriots (jan pi ma sama o sewi)
ma tomo lawa	ma tomo Apusa
mute jan la ma tomo suli	ma tomo Eko
toki lawa	toki Inli
toki ante	toki Awasa toki Ipo toki Jolupa
jan lawa	jan Mujamatu Pujali
tenpo open	tenpo sike 1960 (weka e lawa pi ma Juke)
mani	mani Naselija (₦)
tenpo	UTC+1
ISO 3166	NG
lipu ilo	http://www.nigeria.gov.ng/

nimi ma

nimi lawa pi ma Naselija li "Petela Lipupi A Naselija" (toki Inli: Federal Republic of Nigeria).

nimi ona li kama tan ma telo Nise. nimi pi ma Nise li kama tan nasin telo sama.

tenpo pini

tenpo pini la, ma Naselija li ma lawa mute:

• ma suli Ojo
• ma Eto
• ma Sokoto
• ma Ponu
• ma ante mute

taso, tenpo pi poka ona, ma Juke li lanpan e ona li wan e ma ni li kama kipisi pi ma lawa suli Piten. ma Naselija li weka tan lawa pi ma Juke lon tenpo sike nanpa 1960.